ताप्लेजुङ । गएको चैत १५ गते काठमाण्डौमा भएको हिंसात्मक प्रदर्शनका मुख्य अभियुक्त दुर्गा प्रसाईं धरौटीमा रिहा भएका छन् ।
उच्च अदालत पाटनले प्रसाईंलाई हिंसात्मक आन्दोलनसित जोडिएको मुद्दामा ३ लाख र बैंकिङ कसूर मुद्दामा २५ लाख धरौटीमा छाड्न आदेश दिएलगत्तै प्रसाईं धरौटी रकम बुझाएर हिजो डिल्लीबजार कारागारबाट रिहा भएका हुन् ।
गएको चैत १५ गते काठमाण्डौको तीनकुनेमा भएको हिंसात्मक प्रदर्शनका क्रममा भएको आगजनी तथा तोडफोडपछि प्रसाईंविरुद्ध आपराधिक उपद्रव, सङ्गठित अपराधमा काठमाण्डौ जिल्ला अदालतमा मुद्दा दर्ता भएको थियो ।
जिल्ला अदालतले पुर्पक्षका लागि थुनामा पठाएपछि यस आदेशविरुद्ध प्रसाईंले उच्च अदालतमा निवेदन दिएका थिए ।
प्रतिक्रिया