ताप्लेजुङ । ताप्लेजुङको मैवाखोला गाउँपालिकाले आगामी आर्थिक वर्षका लागि ४४ करोड ७१ लाख बढि बजेट प्रस्तुत गरेको छ । गाउँपालिकाको १७औं गाउँ सभा मार्फत आगामी आर्थिक वर्ष २०८२–८३ का लागि उक्त बजेट प्रस्तुत गरेको हो ।
गाउँपालिकाको प्रशासकीय केन्द्र साँघुमा आयोजित गाउँ सभामा पालिका उपाध्यक्ष कमल कुमारी वनेमले ४४ करोड ७१ लाख १६ हजार रुपियाँ बजेट प्रस्तुत गर्नुभएको छ । कुल बजेट मध्ये वित्तिय समानीकरण अन्तरगत सङ्घीय सरकारको नौ करोड ४४ लाख रुपियाँ, प्रदेश वित्तिय समानीकरण अन्तरगत ८५ लाख २५ हजार रुपियाँको बजेट प्रस्तुत गर्नुभएको छ ।
सङ्घीय सर्शत अनुदान १७ करोड ९१ लाख रुपियाँ र प्रदेश सर्शत अनुदान अन्तरगत ६६ लाख ८६ हजार रुपियाँ, आन्तरिक आय ६५ लाख रुपियाँ, आन्तरिक आय मौज्दात तीन करोड ७१ लाख पाँच हजार रुपियाँ रहने छ । सङ्घीय राजश्व बाँडफाँड अन्तरगत सात करोड २५ लाख ८७ हजार रुपियाँ, प्रदेश सरकार अन्तरगत राजश्व बाँडफाँड ४४ लाख ३१ हजार रुपियाँ, रहेको छ ।
यस्तै सङ्घीय सरकार अन्तरगतको विषेश अनुदान ६८ लाख रुपियाँ, सङ्घीय सरकार र प्रदेश सरकारको समपूरक अनुदान अन्तरगत क्रमश एक करोड ३९ लाख रुपियाँ र एक करोड ५९ लाख रुपियाँ रहेको छ भने, गैर सरकारी संस्थाहरूबाट १० लाख ३६ हजार रुपियाँ रहने प्रस्तुत गरिएको बजेटमा उल्लेख गरिएको छ ।
प्रतिक्रिया