ताप्लेजुङ । नेकपा माओवादी केन्द्र मेरिङदेन गाउँपालिका कमिटीको अध्यक्षमा पुन सुजन लिम्बू चयन हुनु भएको छ । शनिबार सम्पन्न भएको पालिका कमिटीको तेश्रो अधिवेशनबाट लिम्बू पुन दोश्रो कार्यकालका लागि अध्यक्षमा सर्वसम्मत चयन हुनु भएको हो ।
कमिटीको उपाध्यक्षमा साम्याङ शेर्पा, विवेक लिम्बू र अमृता मगर, सचिवमा पासाङ शेर्पा, सहसचिवमा अनिषा बिक र अमृता मगर र कोषाध्यक्षमा प्रकाश नाल्बो सहित ४५ सदस्यीय पालिका कमिटी सर्वसम्मत चयन गरिएको नेकपा माओवादी केन्द्र ताप्लेजुङले जनाएको छ ।
यस्तै अखिल नेपाल महिला संघ क्रान्तीकारी (अनेमसंघ) को पालिका कमिटीको अध्यक्षमा मनकुमारी थोप्रा सर्वसम्मत चयन हुनु भएको छ । थोप्राको अध्यक्षतामा २३ सदस्यीय पालिका कमिटी सर्वसम्मन चयन गरिएको बताइएको छ । कमिटीको उपाध्यक्षमा संगिता पालुङवा शेर्पा, सुमिना शेर्पा, सचिवमा संगिता केदेम, सहसचिवमा विपना लङवा र कोषाध्यक्षमा अनिसा बराइली चयन हुनु भएको छ ।
यसैबीच शनिबार नै सम्पन्न भएको दलित राष्ट्रिय मुक्ति मोर्चाको पालिका कमिटीको अध्यक्षमा रोदन लोहार चयन हुनु भएको छ । लोहार अध्यक्ष रहेको १५ सदस्यीय पालिका कमिटी सर्वसम्मत चयन गरिएको पार्टीले जनाएको छ । कमिटीको उपाध्यक्षमा सुनिता बराइली, जमुना लोहार, सचिबमा शर्मिला गहतराज, सहसचिवमा सुमिना बराइली र कोषाध्यक्षमा सुकराज गहतराज सर्वसम्मत चयन हुनु भएको वाईसीएल नेपाल ताप्लेजुङका अध्यक्ष कैलाश माबो लिम्बूले जानकारी दिनुभयो ।
पालिका अधिवेशन नेकपा माओवादी केन्द्रका केन्द्रीय सदस्यद्वय मिङमाडण्डु शेर्पा, पर्शु कार्की, ताप्लेजुङ संयोजक बिष्णुकुमार लिम्बू लगायतको उपस्थितिमा सम्पन्न भएको छ ।
अधिवेशनबाट सर्वसम्मत पालिका कमिटीमा चयन भएका पदाधिकारी तथा सदस्यहरू । तस्बिर स् साहारा लिम्बू
प्रतिक्रिया