ताप्लेजुङ । काठमाडौंमा पूर्वराजा समर्थकको प्रदर्शनका क्रममा सञ्चारकर्मी माथि भएको आक्रमण र रिपोर्टिङका क्रममा ज्यान गुमाएका पत्रकार सुरेश रजकको घटनाका दोषीलाई कारबाहीको माग गर्दै नेपाल पत्रकार महासङ्घ ताप्लेजुङले श्रद्धाञ्जली सहितको विरोध कार्यक्रम गरेको छ ।
विहीबार पत्रकार महासङ्घ ताप्लेजुङले उक्त घटनाका दोषीलाई छानबिन गरि कानुनी कारबाही गर्न माग गर्दै श्रद्धाञ्जली सहितको विरोध कार्यक्रम गरेको हो । हिजो तीनकुनेमा भएको आन्दोलनमा एभिन्युज टेलिभिजनमा कार्यरत पत्रकार सुरेश रजकको ज्यान गएको थियो ।
साथै केही सञ्चारगृहमा तोडफोडसमेत भएको थियो । ज्यान गुमाएका पत्रकार रजक प्रति श्रद्धाञ्जली अर्पण गरिएको छ ।
प्रतिक्रिया