वडा सदस्यको निधन पछि फक्ताङलुङ गाउँपालिकाले शोक बिदा दिने

ताप्लेजुङ । ताप्लेजुङको फक्ताङलुङ गाउँपालिकाले आइतबार शोक बिदा दिने भएको छ । फक्ताङलुङ गाउँपालिका वडा नं. ४ का वडा सदस्यको निधन भएकोले आइतबार एक दिन शोक बिदा दिनेभएको हो ।

गाउँपालिकाले एक शोक विज्ञप्ति जारी गर्दै वडा नं. ४ का दलित सदस्य दिलमाया विकको निधन भएकोले शोक बिदा दिने भएको जनाएको छ । यो सँगै आइतबार गाउँपालिका कार्यालय, मातहतका सम्पूर्ण कार्यालय, सङ्घ संस्था, बैँक वित्तिय संस्था तथा शैक्षिक संस्थाहरू बन्द हुने गाउँपालिका अध्यक्ष राजन लिम्बू मुत्तिले जानकारी दिनुभएको छ । 

गाउँपालिकाले शालीन तथा कुशल जनप्रतिनिधि गुमाएको भन्दै दुःख व्यक्त गरेको छ । वडा सदस्य विकको चैत १५ गते शुक्रबार निधन भएको हो ।