विकास गौतमको अध्यक्षतामा उद्योग वाणिज्य सङ्घ ताप्लेजुङको नयाँ नेतृत्व सर्वसम्मत चयन

ताप्लेजुङ । उद्योग वाणिज्य सङ्घ ताप्लेजुङको नयाँ नेतृत्व सर्वसम्मत चयन भएको छ । आगामी तिन वर्ष सम्मका लागि विकास गौतमको अध्यक्षतामा सर्वसम्मत नेतृत्व चयन भएको हो ।

जसमा प्रथम उपाध्यक्षमा शान्ति मादेन, द्वितीय उपाध्यक्षमा सोजित श्रेष्ठ र तृतीय उपाध्यक्षमा रुपक घिमिरे चयन हुनुभएको निर्वाचन समितिले जानकारी दिएको छ । महासचिवमा कमल लिम्बू, सचिवमा खेमराज केसी, कोषाध्यक्षमा युवराज महतारा चयन हुनुभएको छ ।

यस्तै सदस्यहरूमा पुण्य प्रसाद आचार्य, तेज बहादुर भट्टराई, गायत्री भण्डारी, लोचन भण्डारी, युवराज बराल, हरि प्रसाद ओझा, तेज कुमार सुनुवार (जङ्ग), दिनेश भट्टराई, सन्तोष भट्टराई, विकास हाङ्गाम, गणेश बिक र लिलाराज पौडेल चयन हुनुभएको छ ।

अध्यक्ष पदका आकाङ्क्षी दावा शेर्पालाई पहिलो बैठकले वरिष्ठ उपाध्यक्षमा मनोनित गर्ने सहमति भए सँगै सर्व सहमत नेतृत्व चयन भएको हो । सङ्घको विधान अनुसार वरिष्ठ उपाध्यक्षलाई कार्यसमितिको पहिलो बैठकले मनोनित गर्ने निर्णय भएको छ ।

साथै अन्य सात जना सदस्यलाई पनि कार्यसमितिको पहिलो बैठकले मनोनित गर्ने सहमति भएको छ । जसमा सदस्यहरू भद्रबिर रेग्मी, रेवत श्रेष्ठ, भोला बराल, नन्द कुमार बानियाँ, हेमनाथ केसी, गीता भट्टराई र हरिचन्द्र पौडेल रहनुभएको छ ।

शुक्रबार हुने साधारण सभाको उद्‌घाटन कोशी प्रदेशका उद्योग कृषि तथा सहकारी मन्त्री खगेन सिं हाङगामले गर्नुहुने भएको छ ।