ताप्लेजुङ । अग्रगामी युवा क्लब फुङलिङले भाग्यशाली उपहार कार्यक्रम सञ्चालन गर्ने भएको छ । नयाँ वर्ष २०८२ सालको उपलक्ष्यमा अग्रगामी युवा क्लबले उक्त कार्यक्रमको आयोजना गर्ने भएको हो ।
उक्त कार्यक्रम मार्फत भाग्यशालीहरुका लागि २५ वटा विधाका पुरस्कारको व्यवस्था गरिएको छ । प्रथम पुरस्कार ३५० सि. सि. क्लासिक रोयल इनफिल्ड बुलेट बाइक रहेको छ । यस्तै दोस्रा पुरस्कार १२५ सि. सि. डिइओ होण्डा स्कुटर रहेको छ भने, तेस्रो पुरस्कार एस ट्वान्टीफोर अल्ट्रा फोन रहेको छ ।
यस्तै अन्य विधाका लागि पनि आकर्षक पुरस्कारको व्यवस्था गरिएको क्लबले जनाएको छ । उक्त पुरस्कार प्राप्त गर्नका लागि एक हजार रुपियाँको टिकट काट्नु पर्ने हुन्छ । साथै भाग्यशाली छनोटको कार्यक्रम आगामी २०८२ साल बैशाख १ गते बिहान ९ बजेदेखि ११ बजे सम्म हुने क्लबको अध्यक्ष बिरेन्द्र थापाले जानकारी दिनुभएको छ ।
भाग्यशालीले प्राप्त गर्ने पुरस्कारहरुलाई बुधबारबाट फुङ्लिङ नगरपालिका वडा नं. ५ बिरेन्द्रचोकमा प्रदर्शनमा राखिएको छ ।
प्रतिक्रिया