फुङ्लिङमा एभरेष्ट बैंकको शाखा स्थापना

ताप्लेजुङ । ताप्लेजुङको सदरमुकाम फुङ्लिङमा एभरेष्ट बैंक लिमिटेडको शाखा स्थापना भइ सेवा सुरु भएको छ । बैंकले आफ्नो १३१ औं शाखाका रुपमा शाखा स्थापना गरी शुक्रबारदेखि औपचारिक रुपमा सेवा सुरु गरेको हो ।

शाखाको फुङ्लिङ नगरपालिकाका प्रमुख अमिर मादेन, एभरेष्ट बैंक लिमिटेड सञ्चालक समितिका सदस्य किरणकृष्ण श्रेष्ठलगायतले उद्घाटन गर्नुभएको छ । फुङ्लिङ बजारको कोप्चे जिमीपोखरी टोलमा बैंकका शाखा स्थापना भएसँगै औपचारिक रुपमा बैंकिङ कारोबार सुरु भएको शाखा प्रबन्धक लवकुमार तिमिल्सिनाले जानकारी दिनुभयो ।

शाखा प्रबन्धक तिमिल्सिनाका अनुसार बैंकको फुङ्लिङ शाखा कोशी प्रदेशभरिमा २० औं शाखाका रुपमा स्थापना भएको हो । बैंकको स्थापनाकार्यक्रममा बैंकका उपप्रशासकीय अधिकृत विजयकुमार शर्मा, फुङ्लिङ नगरपालिका–४ का वडाध्यक्ष दुर्गाबहादुर पालुङ्वा लगायतको उपस्थिति थियो ।