ताप्लेजुङ । ताप्लेजुङको मेरिङदेन गाउँपालिकाले राष्ट्रिय परिचय पत्र वितरण सुरु गरेको छ । गाउँपालिकाले जिल्ला प्रशासनबाट उपलब्ध भएको राष्ट्रिय परिचय पत्र वितरण सुरु गरेको हो ।
मेरिङदेन गाउँपालिका वडा नं. ४ लिङ्तेप निवासी रमेश केदेमलाई वितरण गर्दै गाउँपालिकाले औपचारिक रुपमा राष्ट्रिय परिचय पत्र वितरणको कार्य सुरु गरेको गाउँपालिकाका सूचना अधिकारी जितेन लिम्बूले जानकारी दिनुभएको छ । गाउँपालिका उपाध्यक्ष दुर्गा प्रसाद श्रेङ चङवाङ र निमित्त प्रमुख प्रशासकीय अधिकृत उदय कुमार यादवको उपस्थितिमा केदेमलाई राष्ट्रिय परिचयपत्र वितरण गरिएको हो ।
साथै आगामी दिनमा मेरिङदेन गाउँपालिका पञ्जिकरण शाखाले अव प्रत्येक वडा वडामा पुगी जिल्ला प्रशासनबाट उपलब्ध भएको राष्ट्रिय परिचय पत्र वितरण गरिने एम। आइ। एस। अपरेटर देउमान लङ्वाले जानकारी दिनुभएको छ ।
प्रतिक्रिया