ताप्लेजुङमा केबलकार निर्माणको पक्षमा बृहत् नागरिक सद्भाव ¥याली

रेडियो काबेली । ताप्लेजुङको सदरमुकाम फुङलिङमा केबलकार निर्माणको पक्षमा ‘बृहत् नागरिक सद्भाव ¥याली’ निकालिएको छ । प्रसिद्ध तीर्थस्थल पाथीभरामा तीर्थयात्रीको सहजताका लागि केबलकार निर्माणका साथै जिल्लाको विकासमा सबै एकजुट हुनुपर्ने सन्देश दिन नागरिक सद्भाव ¥याली निकालिएको हो ।

विकास प्रेमी युवा समाज ताप्लेजुङको आयोजनामा सदरमुकाम फुङलिङमा निकालिएको ¥यालीमा सयौँ सङ्ख्यामा जिल्लावासीको सहभागिता रहेको थियो । ‘बृहत् नागरिक सद्भाव ¥याली’ लेखिएको ब्यानर सहितको उक्त सद्भाव यात्रामा नौमती बाजा र च्याब्रुङसहित विभिन्न जातजाति र समुदायको संस्कृति झल्कने झाँकी पनि प्रदर्शन समेत गरिएको छ ।

फुङ्लिङ बजारको सिटी हलबाट सुरु भएको ¥याली हस्पिटल लाइन, पाथिभरा चोक, विरेन्द्र चोक, कोप्चे, तोक्मे हुँदै जिल्ला प्रशासन पुगी पुनः विरेन्द्र चोक पुगेर कोण सभामा परिणत भएको हो । यस अघि पनि केबलकार निर्माणको पक्षमा शान्ति पूर्ण सद्भाव ¥याली र बाइक ¥याली निकालिएको थियो ।