ताप्लेजुङ । नेपाल विद्यार्थी सङ्घले राष्ट्रव्यापीरुपमा सदस्यता वितरण एवं सुझाव सङ्कलन कार्यक्रमको शुभारम्भ गरेको छ । यो सँगै नेपाल विद्यार्थी सङ्घ ताप्लेजुङले पनि उक्त कार्यको शुभारम्भ गरेको छ ।
नेपाल विद्यार्थी सङ्घको १२औं महाधिवेशन तोकिएको समयमा नै सफल गर्न उक्त सदस्यता वितरण तथा सुझाव सङ्कलन सुरु गरिएको हो । ताप्लेजुङ जिल्लाका लागि केन्द्रीय प्रतिनिधिका रुपमा नेविसङ्घका केन्द्रीय सदस्य धुर्व राईलाई खटाइएको छ ।
राईले सोमबार नेवि सङ्घ जिल्ला सभापति लोकेश लङवालाई सदस्यता हस्तान्तरण गर्दै ताप्लेजुङको लागि सदस्यता वितरण तथा सुझाव सङ्कलन कार्यक्रम सुरु गरेको हो ।
नेविसङ्घको १२औँ महाधिवेशन आगामी चैत्र मसान्तसम्ममा सम्पन्न गरिने भएको छ ।
प्रतिक्रिया