रेडियो कोबली
ताप्लेजुङ । जिल्लाको फुङलिङ नगरपालिकामा सर्पले डस्दा एक घाईते हुनुभएको छ । नगरपालिकाको वडा २ हान्द्रुङ स्थित कोठामा बस्दै आउनु भएका भारतको कोलकत्ता घर हुनुभएका सानिमा हाईड्रो पावरमा काम गर्ने १९ वर्षिय आर्फत आलीलाई नाम नखुलेको सेतो रङको सर्पले दाहिने खुट्टामा डस्दा घाईते हुनुभएको हो ।
जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक विवेश बस्नेतका अनुसार आलीलाई सोमबार दिउँसो हाईड्रो पावरबाट काम गरी कोठा फर्कने क्रममा सर्पले डसेको थियो । घाईतेको हाल जिल्ला अस्पताल ताप्लेजुङमा उपचार भईरहेको र अवस्था सामान्य रहेको प्रहरीको भनाई रहेको छ ।
प्रतिक्रिया