पुसे मेला भलिबल : भोजपुर, झापा र सङखुवासभा विजयी




एलिना दियाली
ताप्लेजुङ । पुसे मेलामा जारि अन्तर्राष्ट्रिय आमन्त्रण तथा अन्तर जिल्लास्तरीय पुरुष भलिबल प्रतियोगितामा बुधबार तिन खेल सम्पन्न भएका छन् । जसमा भोजपुर, झापा र सङखुवासभा विजयी भएका छन् । बुधबार भएको पहिलो खेलमा भोजपुर भलिबल क्लब विजयी भएको छ ।


हिमाली तोक्पेगोल युथ भलिबल क्लब ताप्लेजुङलाई ३–० को सोझो सेटमा पराजित गर्दै भोजपुर विजयी भएको हो । भोजपुरले २५–१८, २५–८, २५–२० ले नतिजा आफ्नो पक्षमा पार्न सफल भयो ।


दोस्रो खेलमा पाथीभरा टाईगर भलिबल क्लब (पिटीभिसी) झापा विजयी भएको छ । नाम्चे भलिबल क्लब सिक्किमलाई ३–१ को सेटमा पराजित गर्दै पिटीभिसी विजयी भएको हो । उस्ले २१–२५, २६–२४,२५–१४, २५–२३ ले सिक्कीमलाई पछि पार्दै नतिजा आफ्नो पक्षमा पार्न सफल भयो ।


त्यस्तै बुधबार नै भएको तेस्रो खेलमा सभापोखरी भलिबल क्लब, सङखुवासभा विजयी भएको छ । मुकेश मेमोरियल भलिबल क्लब (एमएमसी) ताप्लेजुङलाई ३–२ को सेटमा पछि पार्दै सभापोखरी विजयी भएको हो । उस्ले २६–२४, २०–२५, २५–२२, २३–२५, १७–१५ एमएमसीलाई पछि पार्दै नतिजा आफ्नो पोल्टोमा पार्न सफल भएको हो ।


जारी प्रतियोगितामा भोलि झापा र भोजपुर बिचको खेल बिहान ९ बजे, हिमाली तोक्पेगोला र सिक्कीम बिचको खेल बिहान ११ बजे र पाँचथर भलिबल क्लब र सभापोखरी भलिबल क्लब,सङखुवासभा बिचको खेल दिउँसो १ बजे हुने राष्ट्रिय रेफ्रि दिवस चोङबाङले जानकारी दिनुभयो ।


अन्तर्राष्ट्रिय आमन्त्रण तथा अन्तर जिल्लास्तरीय पुरुष भलिबल प्रतियोगिताको विजेताले नगद ३ लाख र उपविजेताले नगद १ लाख ७५ हजार रुपैँया सहित ट्रफि, मेडल र प्रमाणपत्र प्राप्त गर्नेछ । यस्तै मेलामा ब्याडमिन्टन प्रतियोगिता, साइकलिङ, ¥याफ्टिङ लगायतका गतिविधि हुने आयोजकले जनाएको छ ।

प्रकाशित मिति : ३ पुष २०८१, बुधबार १९:१९

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र