ताप्लेजुङ । मेरिङदेन गाउँपालिकाले दुई दिन स्थानीय बिदा दिएको छ । पूर्वकै दोस्रो ठूलो ऐतिहासिक मेला ‘५१औं पुषे मेला २०८१’ को अवसरमा पालिकाले पुष ३ र ४ गते दुई दिन स्थानीय बिदा दिएको हो ।
पालिकाले एक सूचना जारी गर्दै उक्त मेलाको अवसरमा गाउँपालिकाको मातहतका सरकारी कार्यालयहरू, सामुदायिक विद्यालयहरू एवं सङ्घसंस्था (आकस्मिक सेवा बाहेक) मा दुई दिन बिदा दिने निर्णय गरिएको जानकारी दिएको छ ।
मेरिङ्देन गाउँपालिका वडा नं. ३ खाम्लुङ र आठराई त्रिवेणी गाउँपालिका वडा नं. ५ चाँगेको सँगम स्थल जिल्लाको दोस्रो ठूलो बजार दोभान बजारमा पुष १ गते देखि ५ गते सम्म मेला लाग्ने भएको छ ।
२०३१ सालदेखि लाग्दै आएको उक्त ऐतिहासिक मेलामा कृषि तथा पर्यटन प्रबर्द्धन साथै विविध खेलकुद तथा बृहत् सांस्कृतिक कार्यक्रम समेत सञ्चालन हुने भएको छ।
विज्ञप्ती
प्रतिक्रिया