साहारा लङ्वा लिम्बू
ताप्लेजुङ । इलामको रेड डेभिल्स मजोमाइ ताप्लेजुङको फुङलिङमा जारी कञ्चनजंघा (सेसेलुङ) गोल्ड कपको फाइनलमा प्रवेश गरेको छ । आज भएको दोस्रो सेमिफाइनल खेलमा झापाको न्यु स्टार क्लब बिर्तामोडलाई ट्राइब्रेकरमा ४-३ गोल अन्तरले पराजित गर्दै फाइनलमा प्रवेश गरेको हो ।
निर्धारित समयमा गोलरहित बराबरी भए पछि खेल ट्राइब्रेकरमा धकेलिएको थियो । अब यो सँगै अब फाइनलमा इलाम र धरान बिच प्रतिस्पर्धा हुने भएको छ । सुनसरीको गोधूली फुटबल क्लब धरानले हिजो सम्पन्न भएको पहिलो सेमिफाइनल खेलबाट तेह्रथुमको सम्दु फुटबल क्लबलाई ट्राइबेकरमा ४–२ गोलअन्तरले पराजित गर्दै फाइनलमा स्थान सुरक्षित गरेको हो ।
निर्धारित समयमा दुवैटीमले ४–४ गोलको बराबरी खेलेसँगै खेलको नतिजा ट्राइबेकर मार्फत प्राप्त भएको थियो । फाइनल खेल मंसिर २२ गते शनिबार हुने छ । प्रतियोगिताको विजेता र उपविजेताले क्रमश नगद ३ लाख २ हजार ८१ रुपैयाँ र १ लाख ५२ हजार ८१ रुपैयाँ सहित ट्रफी, मेडल र प्रमाण–पत्र प्राप्त गर्नेछन् ।
चासोक तङनाम सञ्चालन समिति, ङावोरक सङजुम्भो फुङलेङ र कञ्चनजंघा फुङलिङ क्लबको संयुक्त आयोजनामा प्रतियोगिता सञ्चालन भएको हो ।
प्रतिक्रिया