सिरिजङगा गोल्डकपको खेल : उद्धघाटनमा आयोजक र धनकुटा भिड्ने

ताप्लेजुङ । चौथो सिरिजङगा गोल्डकपको खेल तालिका सार्वजनिक भएको छ । आगामी मंसिर २३ गतेदेखि २६ गतेसम्म सञ्चालन हुने चौथो अन्तराष्ट्रिय सिरिजंघा गोल्ड कपको खेल तालिका सार्वजनिक गरिएको हो ।

आयोजक संस्था तेल्लोक स्पोर्टिङ क्लबले हिजो पत्रकार सम्मेलनको आयोजना गर्दै खेल तालिका सार्वजनिक गरेको हो ।
तालिका अनुसार उद्धघाटन खेलमा आयोजक र सागुरिगढी एफ.सि. धनकुटा खेल्दैछन् ।

क्वाटरफाईनलको दोश्रो खेलमा न्यु स्टार क्लब झापा र ब्रदरहुड एफ.सि. बेलका उदयपुरबीच भिडन्त हुदैछ । मंसिर २५ गते हुने तेश्रो खेलमा मरिक एफ.सि. सुनसरी र पारिजात संघ एफ.सि भारतबीच आमनेसामने हुँदैछ भने क्वाटर फाईनलको अन्तिम खेलमा वाईवाई पाँचथर एफसि र सिरिजंघा स्पोर्टिङ क्लब मोरङ भिड्ने तालिकामा उल्लेख छ ।

प्रतियोगिताको बिजेताले २ लाख ५० हजार ५ सय ५५ रुपैयाँ र उपबिजेताले १ लाख २५ हजार ५५ रुपैयाँ सहित ट्रफी, मेडल र प्रमाण पत्र प्राप्त गर्नेछन् ।