मैवाखोलामा करेन्ट लाग्दा ७ वर्षीय बालिका घाइते 

ताप्लेजुङ । ताप्लेजुङको मैवाखोलामा करेन्ट लागेर एक बालिका घाइते भएकी छिन् । मैवाखोला गाउँपालिका वडा नं. ३ साँघुमा विद्युत प्रवाह भइरहेको तार पोलबाट खसेर करेन्ट लागि ७ बर्षिया बालिका घाइते भएकी हुन् । 

 घाइते हुनेमा मैवाखोला गाउँपालिका वडा नं. ३ साँघुका साङ्गे शेर्पाकी ७ बर्षिया छोरी मङ्सीरी शेर्पा रहेको जिल्ला प्रहरी कार्यालय ताप्लेजुङले जनाएको छ । विद्यालयबाट घर फर्कन्दै गरेको बेला शेर्पालाई पोलबाट झरेको विद्युतीय तारले लागेको थियो । उनी सरस्वती आधारभूत विद्यालय तुम्बेमा अध्ययनरत विद्यार्थी हुन् । 

घटनास्थलतर्फ प्रहरी निरीक्षकको नेतृत्वमा प्रहरी टोली परिचालित भएको जिल्ला प्रहरी कार्यालय ताप्लेजुङका प्रहरी प्रमुख (डिएसपी) रवि रावलले जानकारी दिनुभयो ।