निःशुल्क आँखा शिविरको पहिलो दिन २ सय २८ जनाले गरे आँखा परिक्षण

रेडियो काबेली
ताप्लेजुङ । ताप्लेजुङको फुङलिङस्थित डिचेन डोङ्गला स्मारक आँखा उपचार केन्द्रमा सोमबारबाट सुरु भएको निशुल्क आँखा शिविरको पहिलो दिन २ सय २८ जनाले आँखा परिक्षण गरेका छन् । नेपाल नेत्रज्योति संघ ताप्लेजुङ, फुङलिङ नगरपालिका र सेवा फाउण्डेसन काठमाडौँको संयुक्त पहलमा सुरु भएको ३ दिने शिविरमा उक्त संख्याले आँखा परिक्षण गराएका हुन् ।

त्यस्तै ३५ जना मोतिबिन्दुका बिरामीहरुलाई छनोट गरि शल्याक्रिया गरिएको नेत्र ज्योति संघका उपसभापति खगेन्द्र अधिकारीले जानकारी दिनुभयो । मेची आँखा अस्पतालको प्राबिधिक सहयोगमा सुरु भएको शिविरमा सोमबार ४० वर्षभन्दामाथिका ८५ जना बिरामीहरुलाई निःशुल्क चश्मा वितरण गरिएको डिचेन डोङगला स्मारक आँखा उपचार केन्द्रका क्लिनिक इञ्चार्ज काजीमान गुरुङले जानकारी दिनुभयो ।

शिबिर बुधबार सम्म सञ्चालन हुनेछ भने यहाँको शिविर सकिए पश्चात चिकित्सक सहितको प्राविधिक टोलीको उपस्थितीमा पाँचथरको थर्पुमा कात्तिक ३० र मंसिर १ गते शिविर सञ्चालन हुनेछ ।