रेडियो काबेली
ताप्लेजुङ । फुन्छिन्देन साम्याङ्वा महिला समुह मैवाखोला गाउँपालिका वडा नं. ६ साङ्लुपाले देउसी भैली कार्यक्रम २०८१ सम्पन्न गरेको छ । महिलाहरुको अधिकार सुनिश्चितता र सामाजिक विकासमा हाम्रो सहभागिता भन्ने नारा सहित उक्त महिला समुहले सामाजिक कार्य गर्ने उद्धेश्यले देउसी भैलो कार्यक्रम सम्पन्न गरेको हो ।
देउसी भैलो कार्यक्रमबाट झण्डै एक लाख रुपैँया नगद संकलन भएको समुहकी अध्यक्ष निर्मला लिम्बुले जानकारी दिनुभयो । उहाँका अनुसार महिला समुहले देउसी भैलोबाट संकलित उक्त रकम सामाजिक कार्यमा खर्च गरिनेछ । हरेक वर्ष महिला समुहले देउसी भैलो कार्यक्रम गरि सामाजिक कार्यमा खर्च गर्दै आएको छ । मौलिक संस्कार संस्कृतिको संरक्षण गर्दै समाजिक क्षेत्रमा कार्य गर्ने उद्धेश्यले देउसी भैलो कार्यक्रम गरिएको समुहले जनाएको छ ।
प्रतिक्रिया