फुङलिङमा खुकुरी देखाएर आतङ्कित गर्न खोज्ने दुईजना पक्राउ

रेडियो काबेली
ताप्लेजुङ । ताप्लेजुङमा खुकुरी देखाएर आतङ्कित गर्न खोज्ने दुईजनालाई प्रहरीले पक्राउ गरेको छ । पक्राउ पर्नेमा फुङ्लिङ नगरपालिका वडा नम्बर ४ का वर्ष २१ प्रदीप पौडेल र वडा नम्बर ८ का वर्ष १९ का निश्चल गुरुङ रहेको जिल्ला प्रहरी कार्यालय ताप्लेजुङका सूचना अधिकारी एवं प्रहरी निरीक्षक विवेक बस्नेतले जानकारी दिनुभयो ।
प्रहरी निरीक्षक बस्नेतका अनुसार उहाँहरुले आइतबार साँझ फुङ्लिङ बजार स्थित ‘न्यु कन्चनजङ्गा सहकारी संस्था’मा आफ्नो काम सकेर घर फर्कँदै गर्नुभएका फुङ्लिङ नगरपालिका वडा नम्बर ८ का ३७ वर्षका सन्तोष गुरुङलाई फुङ्लिङ ४ उकालीपानी स्थित एकान्त बाटोमा बाटो छेकेर साथमा बोकेको फलामको धारिलो हतियार प्रहार गर्ने प्रयास गरी धम्की दिएर अवद्र व्यवहार गरेको कसुरमा पक्राउ गरिएको हो ।

गुरुङ र पौडेललाई मुलुकी फौजदारी कार्यविधि संघीयता २०७४ को दफा १४ (३)बमोजिम जिल्ला प्रशासन कार्यालय ताप्लेजुङबाट पाँच दिनको म्याद थप अनुमति लिई अवद्र व्यवहार कसुरमा अनुसन्धान कार्य भइरहेको प्रहरीले जनाएको छ ।