प्रहरी दिवसको अवसरमा उत्कृष्ट कार्य गर्ने ताप्लेजुङका प्रहरी कर्मचारी पुरस्कृत




रेडियो काबेली
ताप्लेजुङ । जिल्ला प्रहरी कार्यालय ताप्लेजुङले ६९ औं प्रहरी दिवसको अवसरमा उत्कृष्ट कार्य गर्ने प्रहरी कर्मचारीलाई पुरस्कृत गरेको छ । बुधबार दिवसको अवसरमा एक कार्यक्रमको आयोजना गर्दै उत्कृष्ट कार्य सम्पादन गर्ने प्रहरी कर्मचारीलाई पुरस्कृत गरेको हो । उत्कृष्ट कार्य सम्पादन गरेको आधारमा प्रहरी सहायक निरीक्षक हेमनारायण यादव,प्रहरी हवल्दार वेदबहादुर श्रेष्ठ र अनु भुजेल,प्रहरी सहायक हवल्दार प्रमोद निरौला पुरस्कृत हुनु भएको छ ।

यस्तै प्रहरी जवान मीनाकुमारी आङदेम्बे,सपना सुनार,मुकेश चौधरी,पुष्पनारायण अधिकारी,बिशाल तामाङ तथा प्रहरी कार्यालय कर्मचारी मुक्ति केदेमलाई पुरस्कृत गरिएको छ । त्यस्तै अमर प्रहरी परिवारलाई समेत दोसल्ला ओढाएर सम्मान गरिएको छ । अमर प्रहरी परिवारका सदस्यहरु रामकुमारी सुब्बा थापा तथा आइतरानी लिम्बूलाई दोसल्ला ओढाएर सम्मान गरिएको हो ।

प्रहरी दिवसको अवसरमा आयोजित पुरुष डवल्स ब्याड मिन्टन प्रतियोगितामा प्रथम हुने प्रहरी सहायक हवल्दार बिनोद कन्दङवा र अर्जुन राई तथा द्धितीय हुने प्रहरी वरिष्ठ हवल्दार सन्तोषकुमार तामाङ र प्रहरी जवान दीपेन्द्र राईलाई मेडल,कप र प्रमाण–पत्र बितरण गरिएको छ । साथै कार्यक्रममा जिल्ला प्रहरी कार्यालयलाई सहयोग गर्ने मिक्वाखोला गाउँपालिका, पाथीभरा क्षेत्र विकास समिति र फुङलिङ नगरपालिका वडा नं ९ लाई कदर–पत्र बितरण गरेको छ ।

‘साइवर सुरक्षा,आजको आवश्यकता’ भन्ने मुख्य नाराका साथ मनाईएको प्रहरी दिवस कार्यक्रममा प्रहरी नायव उपरीक्ष रवि रावलले पछिल्लो समय साईबर अपराध बढेकाले यस्ता गतिविधिबाट बच्न सबैलाई आग्रह गर्नुभयो । त्यस्तै उहाँले जिल्लाका कतिपय प्रहरी चौकीको अवस्था जिर्ण रहेकाले समन्वय गरिदिन सम्बन्धित निकायको ध्यानाकार्षण समेत गराउनुभयो ।

कार्यक्रममा जिल्ला समन्वय समिती प्रमुख छिरिङ लामा मिक्वाखोला गाउँपालिका अध्यक्ष भक्तबहादुर कार्की,दुर्गादल गुल्मका गुल्मपति बिक्रम खड्का,सशस्त्र प्रहरी वल नेपाल नं १ गुल्म हेडक्वाटर कञ्चजंघाका गुल्मपति नरेश महर्जन,सहायक प्रमुख जिल्ला अधिकारी सन्दीपा खड्का लगायतको उपस्थिति रहेको थियो ।

प्रकाशित मिति : ३० आश्विन २०८१, बुधबार २०:१०

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र