श्रीमतीको हत्या आरोपी श्रीमान पक्राउ

प्रहरीले श्रीमतीको हत्या गरेर फरार रहेका एक व्यक्तिलाई फक्राउ गरेको छ । झापाको अर्जुनधारा नगरपालिका वडा नम्बर ३ मा श्रीमतीको हत्या गरेर फरार रहेका एक व्यक्तिलाई प्रहरीले पक्राउ गरेको हो ।

स्थानीय दार्जिलिङ डाँडास्थित भरत कुमालको घरमा अर्जुनधारा ३ जुङ्गेघारीका ४६ वर्षीय वीरबहादुर चौहानले ३७ वर्षीया श्रीमती मुना चौहानलाई धारिलो हतियार प्रहार गरी सोमबार दिउँसो हत्या गरेको जिल्ला प्रहरी कार्यालय झापाले जनाएको छ ।

हत्या गरी फरार रहेका चौहानलाई स्थानीय जुकेखाडी वन क्षेत्रमा लुकिछिपी बसेको अवस्थामा प्रहरीले सोमबार अपराह्न पक्राउ गरेको छ । पारिवारिक विवादका कारण हत्या भएको प्रहरीको प्रारम्भिक अनुमान छ । ekantipur.com