रेडियो काबेली
ताप्लेजुङ । अवरुद्ध मेचिराजमार्ग अन्तरगत पाँचथरको हेंवाखोलामा बेलि ब्रिज निर्माण कार्य अन्तिम चरणमा पुगेको छ । मंगलबारसम्ममा ५८ वटा ह्युम पाईप राखि सकिएको र अब ग्राभेलको काम हुन बाँकी रहेको सडकको डिभिजन कार्यालय ईलामका ईन्जिनियर सरोज सुवेदीले जानकारी दिनुभयो । उहाँले भन्नुभयो,“ मंगलबारसम्म सबै ५८ वटा ह्युम पाईप राखि सकिएको र अब ग्राभेल काम सकिएपछि सवारी आवत जावत हुनेछ ।”
उहाँका अनुसार अब ग्राभेल सकिएपछि बुधबारबाट सवारी आवत जावत गराईनेछ । असोज १२ गते आएको अविरल वर्षापछिको बाढीले हेंवाखोलाको बेलिब्रिज बगाएपछि पाँचथर र ताप्लेजुङ साथै पाँचथरको हिलिहाङ र याङवरक गाउँपालिकामा सवारी आवतजावत ठप्प भएको छ ।
प्रतिक्रिया