ताप्लेजुङ । प्रथम अन्तर्राष्ट्रिय रेडपाण्डा ट्रेल म्याराथन अन्तर्गत महिलातर्फकी प्रथम कुमारी गुरुङलाई फुङलिङ नगरपालिका वडा नं. ६ ले सम्मान गरेको छ । अन्तर्राष्ट्रिय रेडपाण्डा दिवसको अवसरमा गत असोज ५ गते ताप्लेजुङ सदरमुकाम फुङ्लिङमा सम्पन्न म्याराथन प्रतियोगिताकी प्रथम गुरुङलाई फुङ्लिङ ६ ले १० हजार नगदसहित सम्मान गरेको हो ।
बुधबार एक कार्यक्रमका बीच गुरुङलाई नगद सँगै सम्मान गरिएको वडा अध्यक्ष मदन गुरुङ ९तेज ०ले जानकारी दिनुभयो । प्रथम पटक सञ्चालन भएको अन्तर्राष्ट्रिय स्तरको रेडपाण्डा ट्रेल रनको उपाधि जितेर ६ नम्बर वडाकी गुरुङले इतिहास रचेको प्रति खुसी व्यक्त गर्दै वडाध्यक्ष गुरुङले धावक गुरुङको आगामी भविष्य समेत उज्ज्वल रहोस् भनी शुभकामना समेत व्यक्त गर्नुभएको छ।
साथै असोज १२ गते भारतको सिक्किमा हुन गइरहेको १० किलोमिटर ट्रेल रन प्रतियोगितामा पनि गुरुङले सहभागिता जनाउन लाग्नुभएको छ । यसको लागि पनि वडाले उहाँलाई बिदाई समेत गरेको छ ।
प्रतिक्रिया