रेडियो काबेली
ताप्लेजुङ । ताप्लेजुङको फुङलिङ नगरपालिकाले असल बुहारीलाई सम्मान गरेको छ । शुक्रबार तिजको अवसरमा आयोजित कार्यक्रमका बिच दुई असल बुहारीलाई सम्मान–पत्रले समान गरेको हो । नगरपालिकाको वडा नं. ९ का सिमा गौतम अधिकारी र गितादेवी भट्टराईलाई नगर प्रमुख अमिर मादेन, उप–प्रमुख भिमादेवी ओझाले संयुक्त रुपमा दोसल्ला ओढाएर साथै सम्मान पत्रले सम्मान गर्नु भएको हो ।
नगर उप–प्रमुख भिमादेवी ओझाले समाजमा सकरात्क सन्देश प्रवाह गर्नका लागि असल बुहारीलाई सम्मान गर्ने गरिएको बताउनुभयो । तिज कार्यक्रममा नगरका विभिन्न आमा समुहको नृत्य र सचेतनामुलक नाटक समेत प्रर्दशन गरिएको थियो । फुङलिङ नगरपालिकाको आयोजना भएको तिज कार्यक्रममा विभिन्न महिलाहरुले तिजसँग सम्बन्धीत रचना समेत प्रस्तुत गरेका थिए ।
प्रतिक्रिया