रेडियो काबेली
ताप्लेजुङ । ताप्लेजुङमा १३ वर्षीया नाबालिकालाई जवरजस्ती करणी गर्ने व्यक्ति पक्राउ पर्नुभएको छ । पक्राउ पर्नेमा सर्लाही हरिवन नगरपालिका वडा नंं. ९ का वर्ष २३ का अरुण कुमार महतो रहेको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक कमल कुमार लुङ्गेलीले जानकारी दिनुभयो ।
उहाँका अनुसार बालिकालाई भाद्र १० गते ताप्लेजुङमा बलात्कार गरेको भन्ने जाहेरीका आधारमा महतोलाई खोजतलास गर्ने क्रममा भाद्र १४ गते ताप्लेजुङ जिल्लाको फुङलिङ नगरपालिका वडा नं. ४ बाट पक्राउ गरिएको हो । जिल्ला अदालत ताप्लेजुङबाट ५ दिनको म्याद थप गरि अनुसन्धान गरि रहेको प्रहरीको भनाई छ । महतोलाई मुलुकी फौजदारी कार्यविधि संहिता २०७४ को दफा १४ (३) बमोजिम कारबाही हुने छ ।
प्रतिक्रिया