रेडियो काबेली
ताप्लेजुङ । अन्तराष्ट्रिय आमन्त्रण ताप्लेजुङ गोल्ड कपको चौथो दिनको ‘फ्यान अफ दि म्याच’ फुङलिङ नगरपालिका वडा नं। ५ की एलिसा सुनुवार बन्नु भएको छ । सुनुवार बिहिबारको खेलमा ‘फ्यान अफ द म्याच’ बन्नु भएको हो ।
गोल नेपाल र समितिको अफिसियल फोटोग्राफर मार्फत सुनुवार ‘फ्यान अफ द म्याच’ बन्नु भएको हो । मैदानमा प्रतिष्पर्धा गरिरहेका खेलाडीहरूलाई हौसला प्रदान गर्ने, साथ दिने दर्शकहरु मध्येको उत्कृष्टलाई समिति र गोल नेपाल डट कमले छनोट गरि फ्यान अफ द म्याच घोषणा गरिएको हो ।
सो टाइटल उहाँले पाएसँगै आयोजकले उपहार स्वरुप राष्ट्रिय फुटबल टिमका कप्तान तथा गोलरक्षक किरण चेम्जोङद्वारा हस्ताक्षरित कल्मषको फुटबल प्रदान गरिएको छ । हरेक दिन एक जना दर्शलाई ‘फ्यान अफ द म्याच’ बनाउँदैं आएको छ ।
बुधबार भएको खेलमा फुङलिङ नगरपालिका वडा नं.७ का रमेश गुरुङ, मङ्गलबार भएको खेलमा मेरिङदेन गाउँपालिका वडा नं. १ थिङ्लाबुका रिदम लिम्बू र सोमबार भएको उद्घाटन खेलमा फुङलिङ नगरपालिका ६ की निशा गुरुङ ‘फ्यान अफ द म्याच’ बन्नुभएको थियो ।
टिकट लिएर खेल हेर्ने दर्शकलाई अन्य दुई ओटा अफरहरू समेत उपलब्ध गराइएको छ । गोलाप्रथाको माध्यमबाट हरेक दिन एक जनालाई मोबाइल सेट प्रदान गरिने छ । त्यस्तै सुट फर द हिरोका लागि दुई जनालाई छनोट गरि विशेष उपहारको समेत ब्यवस्था गरेको आयोजकले जनाएको छ । बिहीबार भएको खेलमा त्रिभुवन आर्मी क्लब काठमाडौंलाई ३– ० ले पराजित गर्दै झापाको बिर्तामोड युनाइटेड फुटबल क्लब सेमिफाइनलमा प्रवेश गरेको छ ।
प्रतिक्रिया