साहारा लङ्वा लिम्बू
ताप्लेजुङ । अन्तराष्ट्रिय आमन्त्रण ताप्लेजुङ गोल्ड कपको दोस्रो दिनको ‘फ्यान अफ दि म्याच’ मेरिङदेन गाउँपालिका वडा नं. १ थिङ्लाबुका रिदम लिम्बू बन्नु भएको छ । लिम्बू मङ्गलबारको खेलबाट ‘फ्यान अफ द म्याच’मा छनोट हुनु भएको हो ।
गोल नेपाल र समितिको अफिसियल फोटोग्राफर मार्फत गुरुङ ‘फ्यान अफ द म्याच’ मा पर्नु भएको छ । मैदानमा प्रतिष्पर्धा गरिरहेका खेलाडीहरूलाई हौसला प्रदान गर्ने, सपोर्ट गर्ने दर्शकहरुमध्येको उत्कृष्टलाई समिति र गोल नेपाल डट कमले छनोट गरि फ्यान अफ द म्याच घोषणा गरिएको हो ।
तस्विर : ताप्लेजुङ गोल्ड कप
सो टाइटल उहाँले पाएसँगै आयोजकले उपहार स्वरुप राष्ट्रिय फुटबल टिमका कप्तान तथा गोलरक्षक किरण चेम्जोङद्वारा हस्ताक्षरित केल्मीको फुटबल प्रदान गरिएको छ । हरेक दिन एक जना दर्शलाई ‘फ्यान अफ द म्याच’ बनाइने छ । सोमबार भएको उद्घाटन खेलमा फुङलिङ नगरपालिका ६ की निशा गुरुङ ‘फ्यान अफ द म्याच’ बन्नुभएको थियो ।
टिकट लिएर खेल हेर्ने दर्शकलाई अन्य दुई ओटा अफरहरू समेत उपलब्ध गराइएको छ । गोलाप्रथाको माध्यमबाट हरेक दिन एक जनालाई मोबाइल सेट प्रदान गरिने छ । त्यस्तै सुट फर द हिरोका लागि दुई जनालाई छनोट गरि विशेष उपहारको समेत ब्यवस्था गरेको आयोजकले जनाएको छ ।
प्रतिक्रिया