बालिकालाई  करणी गरेको आरोपमा पाथीभरा याङवरकका एक जना पक्राउ

ताप्लेजुङ । १३ वर्षीय बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ । ताप्लेजुङको पाथीभरा याङवरक गाउँपालिकाका २८ वर्षीय अमृत गुरुङलाई जबरजस्ती करणी गरेको आरोपमा प्रहरीले श्रावण १३ गते आफ्नै घरबाट प्रहरीले पक्राउ गरेको हो । 

गुरुङले बालिकालाई मकैबारीमा लडाइ जबरजस्ती करणी गरेको पीडित पक्षले बताएको जिल्ला प्रहरी कार्यालय ताप्लेजुङका सूचना अधिकारी एवं प्रहरी निरीक्षक कमल कुमार लुङ्गेलीले जानकारी दिनुभयो । 

उहाँका अनुसार जिल्ला अदालत ताप्लेजुङका न्यायाधीश निर्मला योङयाको इजलासबाट श्रावण १५ गते पाँच दिनको म्याद थप गरी अनुसन्धान भई रहेको छ ।