ताप्लेजुङको फुङलिमा सर्पले डस्दा एक जना घाइते

ताप्लेजुङ । ताप्लेजुङमा सर्पले डस्दा एक जना घाइते भएका छन् । फुङलिङ नगरपालिका वडा नं. १० गडीडाँडा निवासी २४ वर्षीया सृजना राईलाई सर्पले डसेको हो । 

आज दिनको १२:३० मा घर छेउको बारीमा घाँस काट्ने क्रममा राईको टाउकोमा सर्पले डसेको जिल्ला प्रहरी कार्यालयका सूचना अधिकारी तथा प्रहरी निरीक्षक कमलकुमार लुङ्गेलीले जानकारी दिनुभएको छ ।

राईलाई उपचारको लागि जिल्ला अस्पतालमा ल्याई सामान्य उपचार पछि थप उपचारको लागि सर्प दंश केन्द्र चारआली झापा रेफ गरिएको प्रहरीले जनाएको छ ।