ताप्लेजुङ । फुङलिङ नगरपालिकाका एक कर्मचारीलाई घुस सहित नियन्त्रण लिइएको छ । नगरपालिकामा अधिकृत स्तर छैटौँ, सिभिल इन्जिनियर पदमा कार्यरत अख्तर हुसैनलाई अख्तियार दुरुपयोग अनुसन्धान आयोगले घुससहित नियन्त्रणमा लिएको हो ।
अख्तियार अनुसन्धान आयोग ईटहरीबाट खटेको टोलिले हुुसैनलाई सेवाग्राहीबाट नगद १ लाख रुपैयाँ लिइसकेको अबस्थामा नियन्त्रणमा लिएको प्रवक्ता नरहरी घिमिरेले जानकारी दिनुभएको छ । उहाँका अनुसार खेलमैदान निर्माण कार्यमा सेवाग्राहीसँग घुस माग गरिरहेको उजुरीको आधारमा ईटहरीबाट खटेको टोलिले सोमबार नियन्त्रणमा लिएको हो ।
उनलाई फुङलिङ नगरपालिका ४ न्युरोड ट्याक्सी स्ट्याण्ड नजिकबाट पक्राउ गरिएको आयोगले जनाएको छ । नियन्त्रणमा रहेका हुसैनमाथि थप अनुसन्धान गर्ने आयोगले बताएको छ ।
प्रतिक्रिया