ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई ट्रयाक सुट तथा झोला वितरण गरिएको छ ।
फुङलिङ नगरपालिका ४ घर भई हाल विर्तामोडमा बस्दै आउनु भएका व्यवसायी रोशन अग्रवाल र फुङलिङ नगरपालिका ६ घर भई हाल युकेमा बस्दै आउनु भएका समाजसेवी जगत गुरुङले उपलब्ध गराउनु भएको ट्रयाक सुट तथा झोला संयुक्त रुपमा विद्यार्थीहरुलाई शुक्रबार प्रदान गरिएको हो ।
व्यवसायी अग्रवाल र समाजेवी गुरुङले करिब १ लाख १५ हजार रुपैयाँ बराबरको विद्यालय समयमा लगाईने ट्रयाक सुट र पुस्तक बोक्ने झोला विद्यालयलाई उपलब्ध गराउनु भएको प्रध्यानाध्यापक खगेन्द्रकुमार कार्कीले जानकारी दिनुभयो । बाल कक्षादेखि कक्षा ७ सम्म अध्ययनरत विद्यार्थीहरुका लागि सामाग्री उपलब्ध गराउनुभएको बिद्यालयले जनाएको छ ।
व्यवसायी अग्रवालले ८५ हजार रुपैयाँ बराबरको १ सय सेट ट्रयाक सुट र गुरुङले ३० हजार रुपैयाँ बराबरको झोला विद्यालयलाई उपलब्ध गराउनुभएको प्रध्यानाध्यापक कार्कीको भनाई छ ।
समाजसेवीद्वयले उपलब्ध गराएको सामाग्री फुङलिङ नगरपालिका ६ का वडाध्यक्ष मदन गुरुङ तेज, २ नं. वडाका वडाध्यक्ष मोहन न्यौपाने, बालमन्दिर आधारभुत बिद्यालयका प्रध्यानाध्यापक धर्म पौडेल, शिक्षक अभिभावक संघका अध्यक्ष लेखनाथ भट्टराई, व्यवसायी तथा २ नं. वडाका भुत पुर्व वडाध्यक्ष खड्कबहादुर मोक्तान, शिक्षक लगायतको उपस्थितिमा बितरण गरिएको छ ।
बिद्यालयमा हाल ८० जना बिद्यार्थीहरु अध्ययनरत छन् ।
प्रतिक्रिया