तमोर मेवा जलविद्युत आयोजना १२८ मेघावाटको शिलान्यास, लागत २४ अर्ब ३२ करोड



साहारा लङ्वा लिम्बू

ताप्लेजुङ । तमोर–मेवा जलविद्युत आयोजना १ सय २८ मेघावाटको आज शिलान्यास गरिएको छ । फुङलिङ नगरपालिका १ स्थित नाङ्गे पुछार बगरेमा पूर्व संविधान सभा सदस्य सञ्चपाल मादेनको प्रमुख आतिथ्यतामा आयोजनाको शिलान्यास गरिएको हो । 

वि.सं. २०५६ सालमै अध्ययन सुरु गरिएको स्पार्क हाईड्र्रोइलेक्ट्रिक कम्पनी लिमिटेडद्वारा सञ्चालित यस आयोजनाको करिब २६ वर्षपछि निर्माणको काम सुरु भएको छ । तमोर नदी र मेवाखोलाको पानीलाई संयुक्त रुपमा संकलन गरी १ सय २८ मेघावाट क्षमताको विद्युत उत्पादन गर्ने गरी बिहीबार आज शिलान्यास गरिएको स्पार्क हाईड्र्रोइलेक्ट्रिकका अध्यक्ष भानेन्द्र कुमार लिम्बूले जानकारी दिनुभयो । 

उहाँका अनुसार आयोजनाको कार्य आगामी २०८५ साल असोज २५ गतेभित्र सम्पन्न गर्ने लक्ष्य रहेको छ । आयोजना कुल २४ अर्ब  ३२ करोडका लागतमा निर्माण सम्पन्न हुने प्रबन्ध निर्देशक सुदीप कुमार चौधरीले जानकारी दिनुभयो । 

शिलान्यास कार्यक्रममा पूर्व संविधानसभा सदस्य मादेन, कोशी प्रदेशसभाका सदस्य खगेनसिंह हाङगाम, जिल्ला समन्वय समितिका प्रमुख छिरिङ लामा, फुङलिङ नगरपालिकाका प्रमुख अमिर मादेन, मेरिङदेन गाउँपालिकाका अध्यक्ष युकहाङबीर हाङगाम डम्बर, उपाध्यक्ष दुर्गाश्रेङचोङबा, प्रभावित वडाका वडाध्यक्ष लगायतका उपस्थिति रहेको थियो ।

प्रकाशित मिति : १० जेष्ठ २०८१, बिहिबार  २ : ०९ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको