ताप्लेजुङ । आगामी जेठ ३ देखि ७ गते सम्म सञ्चालन हुने ताप्लेजुङ पर्यटन महोत्सवका लागि नगर क्षेत्र सरसफाइमा उपस्थितको लागि आह्वान गरिएको छ । बैशाख ३१ गते भोलि बिहान आम नगरवासिहरुमा सरसफाइमा उपस्थित भइदिन आयोजक समितिले अनुरोध गरेको हो ।
भोलि बिहान ७ बजे तोक्मे डाडाँमा भेला भएर नगर क्षेत्र सरसफाइ गरिने महोत्सव मूल आयोजक समिति सदस्य सचिव देवराज गुरुङले जानकारी दिनुभएको छ । जेठ २ गते भित्र महोत्सवका सबै तयारी पुरा गरिने आयोजक समितिले जनाएको छ ।
‘स्थानीय अर्गानिक मेला महोत्सवमा प्रोत्साहन ताप्लेजुङको पर्यटकीय स्थलहरूको प्रचार प्रसार तथा अवलोकन’ भन्ने मूल नाराका साथ करिब ५ दिन सम्म सञ्चालन हुने महोत्सवमा विभिन्न प्रतियोगिता सँगै साहित्यिक र सांस्कृतिक कार्यक्रम पनि हुने छ ।
साथै पाथिभरा धामदेखि सदरमुकाम सम्म साइकिलिङ समेत हुने आयोजक समितिले जनाएको छ । महोत्सवमा विभिन्न खाद्य परिकारको स्टल प्रदर्शनी हुने छ भने, सांस्कृतिक कार्यक्रम तर्फ राष्ट्रिय तथा स्थानीय कलाकारहरूको प्रस्तुति रहने छ ।
प्रतिक्रिया