पत्रकार महासंघ ताप्लेजुङको ११औं साधारणसभा १६ गते 

ताप्लेजुङ । नेपाल पत्रकार महासंघ ताप्लेजुङ शाखाको ११औं साधारणसभा हुने भएको छ । आज बसेको पत्रकार महासंघ ताप्लेजुङको बैठकले यही वैशाख १६ गते साधारण सभा गर्ने निर्णय गरेको हो । 

शाखा अध्यक्ष आनन्द गौतमका अनुसार साधारणसभा बैशाख १६ गते बिहान ८ बजे देखि सुरुहुने भएको छ । साधरणसभामा केन्द्रीय तथा प्रदेश प्रतिनिधिको उपस्थितिलाई अनिवार्य गरिएको छ । साधारणसभा सकिएपछि नेतृत्व चयन गर्नेगरी जिल्ला अधिवेशनको मिति तोकिने भएको छ ।

जिल्ला अधिवेशन अघि पत्रकार महासंघ ताप्लेजुङले आफ्नो नवनिर्मित भवनको उद्घाटन कार्यक्रमको योजना बताईएको शाखा अध्यक्ष गौतमले जानकारी दिनुभयो । साथै महासङ्घले प्रकाशन गर्न लागेको स्मारिका विमोचनको तयारी पनि भइरहेको पत्रकार महासंघ ताप्लेजुङ शाखाका सचिव सुवास आचार्यको भनाई छ ।