रेडियो काबेली
ताप्लेजुङ । माओवादी केन्द्र ताप्लेजुङले नेपाल कम्युनिष्ट पार्टीको (नेकपा) को ७५ औँ स्थापन दिवस तथा लेलिन जयन्ती मनाएको छ । माओवादी केन्द्रले बिहान पत्रकारसँग भेटघाट गरी साँझ दिप प्रज्वलन गरि स्थापन दिवस मनाएको हो । पार्टीका केन्द्रिय सदस्य खेल प्रसाद बुडाक्षेत्री (पराग)ले मानिसहरुलाई आफ्नो जन्मिदिन थाहा भए जसरी नै आफ्नो पार्टीको जन्मदिन थाहाहोस् भन्ने उद्धेश्यले स्थापना दिवस मनाईएको बताउनुभयो ।
सामान्य सामाजिक र आर्थिक सुशासन समेत पालना गर्न नसक्दा पार्टी र नेताहरुप्रति जनविश्वास घट्दै गएको माओवादीको निष्कर्ष छ । साथै उस्ले राष्ट्रिय आर्थिक क्रान्तिको नेतृत्व गर्न कम्युनिष्ट पार्टीहरुको एकता र माओवादी समेत बदलिनु पर्ने जनाएको छ । केन्द्रिय सदस्य बुडाक्षेत्रीले पार्टीले यही वैशाख १५ गतेबाट असार १५ गतेसम्म दुई महिने संगठन सुदृढीकरण अभियान चाल्ने बताउनु भयो । उक्त अभियानको नाम पुर्बेली पार्टी संगठन सुदृढीकरण हुने र उक्त अभियान ताप्लेजुङको नौ वटै स्थानीय तहमा बैशाख १५ गते नै सुरु हुने माओवादी केन्द्र ताप्लेजुङले जनाएको छ ।
प्रतिक्रिया