महिला शक्ति विकास केन्द्र ताप्लेजुङद्वारा तीन वर्षमा गरेका कामको उपलब्धि सार्वजनिक



ताप्लेजुङ । महिला शक्ति विकास केन्द्र ताप्लेजुङले तीन वर्षमा गरेका कामको उपलब्धि सार्वजनिक गरेको छ । सदरमुकाम फुङलिङमा आज आयोजित कार्यक्रममा संस्थाका कार्यक्रम संयोजक भूमिका आचार्यले प्रगति प्रतिवेदन प्रस्तुत गर्नु भएको हो ।

उहाँका अनुसार तीन वर्षमा ताप्लेजुङका फुङलिङ नगरपालिकाका सबै वडा र पाथीभरा याङवरक गाउँपालिकाका १, २ र ३ नम्बर वडामा कार्यक्रम सञ्चालन गरिएको थियो । महिलाहरूको क्षमता बिकास, आयआर्जनका लागि उद्यम लगायतका कार्यक्रम सञ्चालन गरिएको थियो । जिल्लाका २० हजार महिलासम्म पुगेको संस्थाले जनाएको छ । 

पाथीभरा याङवरक गाउँपालिकाका उपाध्यक्ष रनमाया गुरुङले यो संस्थासँग साझेदारी गरेर कार्यक्रम सञ्चालन गर्ने तयारीमा गाउपालिका रहेको बताउनुभयो । फुङलिङ नगरपालिका उपप्रमुख भिमादेवी ओझाले संस्थाको क्रियाशीलताको प्रशंसा गर्नुभयो । कार्यक्रममा फुङलिङ नगरपालिकाका प्रवक्ता मोहन न्यौपाने, गैर सरकारी संस्थाका अध्यक्ष खड्गविक्रम सुवेदी, महिला नेतृ शिला इजम, चीत्राकुमारी चंसु लगायतले आवश्यक सुझाव तथा सल्लाह प्रदान गर्नुभयो । 

गैर सरकारी संस्था महासङ्घका अध्यक्ष सुवेदीले सरकारको संस्थालाई हेर्ने दृष्टिकोण फरक रहेको वेला यो संस्थाले महिलाको क्षेत्रमा प्रशंसायोग्य काम गरेकोमा खुसी व्यक्त गर्नु भयो । आगामी दिनमा पनि प्रभावकारी र शुसासन युक्त काम गर्नुपर्ने सुझाव गैसस महासङ्घको छ । यो कार्यक्रम देशका बिभिन्न जिल्लामा विगत १६ वर्षदेखि सञ्चालित रहेको छ । 

आचार्यले संस्थामा जोडिएर नेतृत्व विकासमा लागेका देशका ३ उपमेयर र १ सय ६४ जना वडा सदस्य भएको बताउनुभयो । संस्थाले देशभरका ४७ हजार जनालाई तालिम दिएको थियो ।

प्रकाशित मिति : २७ चैत्र २०८०, मंगलवार १४:४२

आठराई त्रिवेणी गाउँपालिकाको बजेट पास

ताप्लेजुङ। ताप्लेजुङको आठराई त्रिवेणी गाउँपालिकाको बजेट पास भएको छ ।

दोभान बजारलाई प्रमुख पर्यटकीय गन्तव्यको रुपमा विकास गरिने

ताप्लेजुङ । ताप्लेजुङको दोस्रो ठूलो बजार दोभानलाई प्रमुख पर्यटकीय गन्तव्यको

ताप्लेजुङको दिङ्लामा लम्पी स्किन रोग फेला

ताप्लेजुङ । ताप्लेजुङको मेरिङदेन गाउँपालिका वडा नम्बर ४ दिङ्लामा लम्पी

आठराई त्रिबेणीको शिक्षा क्षेत्रमा १८ प्रगति

ताप्लेजुङ । ताप्लेजुङको आठराई त्रिबेणी गाउँपालिकाले शिक्षा क्षेत्रमा उल्लेख्य प्रगति

फुङ्लिङ ८ का उत्कृष्ट ७ शिक्षक सम्मानित 

ताप्लेजुङ । फुङलिङ नगरपालिका वडा नं. ८ ले विद्यालयका उत्कृष्ट