पाथीभरामा केबलकार निर्माण गर्नु पर्ने माग सहित जनप्रर्दशन





ताप्लेजुङ । ताप्लेजुङमा अवस्थित प्रसिद्ध धार्मिक स्थल पाथीभरामा केबलकार निर्माण गर्न नहुने भन्ने विषयमा विवाद भईरहेको बेला शनिबार केबलकार बनाउनु पर्छ भन्ने कुरालाई दबाब दिन स्थानीय नागरिकले जनप्रर्दशन गरेका छन् । ताप्लेजुङ सदरमुकाम फुङलिङमा पदम चेन्जी मावोको संयोजकत्व र प्रकाश मादेन सहसंयोजक रहेको ५ सय एक सदस्यीय पाथीभरा केवलकार निर्माण सहयोग समिती गठन गर्दे जनप्रदर्शन गरिएको हो ।


¥यालीमा सैयौंको संख्यामा जिल्लाबासीको सहभागिता रहेको थियो । ‘वृहत्त नागरिक सद्भाव ¥याली’ लेखिएको व्यानर सहितको उक्त ¥यालीमा नौमति बाजा र च्याब्रुङ सहित बिभिन्न जातजाति र समुदायको संस्कृति झल्कने झाँकी पनि प्रर्दशन गरिएको थियो ।‘समृद्धि बन्ने हो हाम्रो आफ्नै कर्मले, विकास नगर भन्दैन कुनै आस्था र धर्मले’ ‘नगरौं गलतप्रचार, यातायातको प्रविधियुक्त साधनहो केवलकार’, ‘केवलकार ताप्लेजुङको सान, बन्ने छ अर्थतन्त्र चलायमान’ जस्ता लेखिएका प्लेकार्ड बोकेका स्थानीयले केबलकार बने जिल्लाले विकासमा फड्को मार्ने प्रतिक्रिया दिए । ‘खुसीहुनेछन् भावी सन्तती, केवलकारले विनास गर्दैन प्रकृति’ र ‘ताप्लेजुङको समृद्धिको आधार, पाथीभरा(मुकुम्लुङ)मा केवलकार’ जस्ता नारा पनि सहभागीले प्लेकार्डमा अटाएका थिए । उक्त ¥याली अघि जिल्लाका युवाहरूले सदरमुकाममा नै मोटरसाईकल ¥याली समेत निकालेका थिए ।


¥याली पछि आयोजित कोणसभामा संविधान सभा सदस्यभुपेन्द्र थेबे,फुङलिङ नगरपालिका प्रमुख अमिर मादेन, उद्योग बाणिज्य संघका वरिष्ठ उपाध्यक्षदावा शेर्पाले जिल्लाको विकास, समृद्धि र पहिचानका लागि पाथीभरा क्षेत्रमा केवलकार बन्नुपर्ने कुरामा जोड दिएकाथिए । पाथीभरा (मुकुम्लुङ) केबलकार निर्माण कम्पनीले सबै कानुनी पक्रिया पुरा गरि निर्माण सुरु गर्न लाग्दाआफ्नो मुन्धुमी स्थलमा केबलकार निर्माण गर्न नहुने भन्दै केवलकार खारेजी संघर्ष समिति, मुक्कुमलुङ संघर्ष समिति लगायतको विरोध गर्दै आएका छन् ।

अहिलेपनि प्रत्येक दिन जसो सदरमुकाम फुङलिङ र केवलकार निर्माणस्थलमा कोण सभा गरेर बिरोध जनाइरहेका छन् ।
यसअघि बेसक्याम्प स्थापनाका लागि सशस्त्र प्रहरीको टोली काफ्लेपाटी पठाइएको थियो । केवलकार खारेजी संघर्ष समिति, मुक्कुमलुङ संघर्ष समिति लगायतको अवरोधका कारण प्रहरी टोली सदरमुकाम फुङलिङ फर्किएको छ । काफ्लेपाटीदेखि पाथीभरा मन्दिरसम्म केवलकार निर्माणका लागि सरकारले अनुमति दिएपनि केबलकार बनाउन नहुने भन्दै केवलकार खारेजी संघर्ष समिति, मुक्कुमलुङ संघर्ष समिति लगायतले भने विरोध गर्दै आएका छन्।

प्रकाशित मिति : २४ चैत्र २०८०, शनिबार  २ : ०१ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको