मेरिङ्देन गाउँपालिकाद्वारा युनाइटेड हाइड्रोपावरको स्थलगत अवलोकन



ताप्लेजुङ । ताप्लेजुङको मेरिङ्देन गाउँपालिकाले  युनाइटेड हाइड्रोपावरको स्थलगत अवलोकन सहित अनुगमन  गरेको छ । गाउपालिका अध्यक्ष डम्बर हाङ्गाम, उपाध्यक्ष दुर्गा चोङ्बाङ, वडा अध्यक्ष बेद हाङ्गाम सहितको टोलीले स्थलगत अनुगमन गरेको हो । 

अनुगमनका क्रममा कार्य प्रगति सहित सामाजिक उत्तरदायित्व अन्तरगतका कामका विषयमा जानकारी लिएको छ । सामाजिक उत्तरदायित्व अन्तरगतका योजनाको अन्तिम  अनुगमन र भुक्तानीका लागि गाउँपालिकाको सिफारिसमा गर्न गाउपालिका अध्यक्षले आग्रह गर्नु भयो । 

आयोजनाको काम करिव ५५ प्रतिशत काम पूरा भएको आयोजनाका पब्लिक रिलेसन अफिसर आशिष केदेमले बताउनुभयो । उहाँका अनुसार आयोजनाको कुल ४ हजार ८ सय मिटरको सुरुङ मार्ग मध्ये अब ६ सय ५२ मिटर मात्रै जोडन बाँकी रहेको छ । 

आयोजना सम्पन्न गर्न समन्वयात्मक रुपमा सहयोग गर्ने गाउँपालिकाले जनाएको छ । आयोजना आगामी आर्थिक वर्षको चैत्र मसान्त सम्ममा सक्ने गरी तयारी भइरहेको बताइएको छ । वातावरणीय प्रभाव मूल्यांकन अनुसार काम गर्न पालिकाले अनुरोध गरेको छ । 

आयोजनाबाट सामाजिक उत्तरदायित्व अन्तर्गत प्राप्त रकम ३ वटा वडा खाम्लुङ, लिङतेप र थुकिमामा लगानी गर्ने तयारी भइरहेको छ । ५ करोड २५ लाख रुपैयाँको प्रत्येक ३ वटा वडामा १ करोड ३८ लाखका दरले वडाले रकम प्राप्त गर्ने भएका छन् । 

प्रकाशित मिति : ११ चैत्र २०८०, आईतवार ०४:५९

जिल्ला स्तरीय लैङ्गिक हिंसा नियन्त्रण सञ्जाल गठन

रेडियो काबेलीताप्लेजुङ । जिल्ला स्तरीय लैङ्गिक हिंसा नियन्त्रण सञ्जाल गठन

केबलकार विवादः निर्माण क्षेत्रको बाँकी रुख कटान, आन्दोलनरत समूहद्वारा सरकारले अन्याय गरेको गुनासो

रेडियो काबेलीताप्लेजुङ । पाथीभरा क्षेत्रमा निर्माणाधीन केबलकारको निर्माण क्षेत्रको बाँकी

फक्ताङलु गाउँपालिकाले दियो सार्वजनिक बिदा

ताप्लेजुङ । ताप्लेजुङको फक्ताङलु गाउँपालिकाले विहीबार सार्वजनिक बिदा दिएको छ

पाथीभरा मन्दिरको भेटि माघ महिनामा १० लाख बढि गणना

ताप्लेजुङ । पाथीभरा क्षेत्र विकास समितिले माघ महिनामा गणना गरिएका

सुनको मूल्य दुई हजार सात सयले घट्यो

काठमाडौं । नेपाली बजारमा बुधबार सुनको मूल्य तोलामा २ हजार