ताप्लेजुङमा फागुन महिनायता डढेलो र अन्य कारणबाट १६ घर जलेर नष्ट



ताप्लेजुङ। ताप्लेजुङमा फागुन महिनायता डढेलो र अन्य कारणबाट सोह्र वटा घर जलेर नष्ट भएका छन् । प्रहरीका अनुसार सुख्खा मौसमसँगै वनमा लागेको डढेलो, भान्साकोठा र विद्युत सर्ट भएरजस्ता कारणबाट आगलागी भई उक्त सङ्ख्यामा घर जलेर नष्ट भएका हुन् ।

सुख्खा मौसमसँगै हिउँदभर वर्षा नभएकाले डढेलो र आलगालीका घटना वृद्धि भएको जिल्ला प्रहरी कार्यालय ताप्लेजुङको तथ्याङ्कले देखाएको छ । जिल्ला प्रहरी कार्यालयको तथ्याङ्कअनुसार फागुनयता मङ्गलबारसम्ममा वनमा लागेको डढेलोको आगोले १२ वटा र अन्य कारणबाट सुरु भएको आगोले चारवटा घर जलेर नष्ट भएका छन् ।

वनमा लागेको डढेलोका कारण चैतको पहिलो साताको अवधिमा मात्र ११ वटा घर जलेर नष्ट भएको प्रहरीको तथ्याङ्क छ । यस्तै चैतमा एक घर अन्य कारणबाट सुरु भएको आगोले जलेको छ भने गएको फागुन महिनामा डढेलोले एक घर र अन्य भान्सा कोठा तथा विद्युत् सर्ट भएर सल्केको आगोले तीनवटा घर नष्ट भएको छ ।

यसरी डढेलो र अन्य कारणले सुरु भएको आगोले झण्डै डेढ दर्जन घर जलेर नस्ट भए पनि मानवीय क्षति भने हुन नपाएको जिल्ला प्रहरी कार्यालयका सूचना अधिकारी एवम् प्रहरी निरीक्षक कमलकुमार लुङ्गेलीले बताउनुभयो । उहाँका अनुसार घरसँगै नजिक रहेका पशुचौपापाका गोठ तथा ग्वालीहरु आगलागी भएका कारण केही पशुपन्छीहरु जलेका छन् । अधिकांस आगलागी घटनाका क्षतिको प्रारम्भिक विवरण आए पनि यथार्थ विवरण आइनसकेको उहाँले जानकारी दिनुभयो ।

यसैगरी फागुनयता विभिन्न क्षेत्रमा गरी करिव दर्जन ठाउँका वनमा डढेलो लागेको छ । राष्ट्रिय तथा सामुदायिक वनहरुमा लागेको डढेलोका कारण रुख, बोट, बिरुवा तथा बहुमूल्य जडीबुटी र वनस्पतिमा क्षति पुगेको प्रहरीले जनाएको छ । त्यस्तै वन्यजन्तुलाई असर पुगेको छ भने सुस्म जीवहरु जलेर नष्ट भएका छन् ।

सामुदायिक वन उपभोक्ता महासङ्घ नेपाल ताप्लेजुङका अध्यक्ष सुरज ओझाले भने लामो खडेरीका कारण करिव चार दर्जनको हाराहारीमा विभिन्न क्षेत्रका वनमा डढेलो लागेको बताउनुभयो । उहाँले फागुनदेखि चैत महिनाको पहिलो हप्ता सम्ममा करिव आठ सयदेखि एक हजार हेक्टर क्षेत्रफल बराबरको वन जङ्गलमा डढेलो लागेको जानकारी दिनुभयो ।

पछिल्लो समय डढेलोका घटना वृद्धि हुने क्रम रहेकोमा मङ्गलबारदेखि पानी पर्न थालेकाले डढेलो नियन्त्रणमा सहयोग पुगेको उहाँको भनाइ छ ।गोरखापत्र अनलाइन

प्रकाशित मिति : ८ चैत्र २०८०, बिहिबार  ४ : ३३ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको