ताप्लेजुङ । ताप्लेजुङको मैवाखोला गाउँपालिकाको फाकुम्बामा अस्थायी प्रहरीचौकी स्थापना गरिएको छ । मैवाखोला गाउँपालिका वडा ५ र ६ फाकुम्बाको शान्ति सुरक्षाको प्रत्याभूति दिलाउने उद्देश्यले अस्थायी गरी प्रहरीचौकी स्थापना गरिएको हो ।
स्थापना गरिएको अस्थायी प्रहरीचौकीको गाउँपालिका अध्यक्ष विजयप्रकाश वनेमले शुक्रबार उद्घाटन गर्नुभएको छ । ताप्लेजुङका प्रमुख जिल्ला अधिकारी हीरादेवी पौडेल, प्रहरी प्रमुख प्रहरी नायब उपरीक्षक राजन लिम्बू, गाउँपालिका उपाध्यक्ष कमलकुमारी लिम्बू, निमित्त प्रमुख प्रशासकीय अधिकृत लक्ष्मीमाया गोम्देनसहितको उपस्थितिमा चौकी स्थापना गरिएको हो ।
उक्त प्रहरीचौकीको वरिष्ठ प्रहरी हवल्दारको नेतृत्व रहेको बताइएको छ ।
प्रतिक्रिया