ताप्लेजुङको फक्ताङ्लुङ गाउँपालिकामा बृहत स्वास्थ्य शिविर सुरु



ताप्लेजुङ । ताप्लेजुङको फक्ताङ्लुङ गाउँपालिकामा बृहत स्वास्थ्य शिविर सुरु भएको छ । गाउँपालिकाको प्रशासकीय केन्द्र रहेको तापेथोकमा मंगलबारदेखि विशेषज्ञ चिकित्सकको सहभागितामा तीन दिने निःशुल्क बृहत स्वास्थ्य शिविर सुरु भएको हो ।

एक एक पाइला नामक संस्था र गाउँपालिकाको समन्वयमा स्वास्थ्य शिविर सुरु भएको गाउँपालिका अध्यक्ष राजन लिम्बू (मुक्ति) ले जानकारी दिनुभयो । अध्यक्ष लिम्बूका अनुसार शिविरको पहिलो दिन उल्लेख्य सेवाग्राहीले सहभागिता जनाएका छन् ।

शिविरमा विशेषज्ञ चिकित्सकहरुको सहभागितामा जेनेरल मेडिसिन, छाला रोगसम्बन्धी सेवा, नाक, कान, घाँटी, दाँत रोग, स्त्री तथा प्रसूति, कलेजो, हाडजोर्नी, बाल रोगसम्बन्धी लगायतका उपचार सेवा प्रवाह गरिँदै आएको छ । यसैगरी प्याथालोजी, रेडियोलोजी, इन्डोसकोपी, सामान्य शल्यक्रियाजस्ता सेवाहरु प्रवाह गर्नेगरी शिविर सुरु भएको गाउँपालिकाले जनाएको छ ।

स्वास्थ्य शिविर बिहीबार सम्पन्न हुने गाउँपालिकाका प्रमुख प्रशासकीय अधिकृत नवीन तेम्बेले जानकारी दिनुभयो । फक्ताङ्लुङ गाउँपालिका जिल्लाकै दुर्गम तथा विकट भू–बनावट भएको स्थानीय तह हो । यसअघि वरिष्ठ नेत्ररोग विशेषज्ञ डा। सन्दुक रुइतको प्रत्यक्ष संलग्नतामा फक्ताङ्लुङ गाउँपालिकाले निःशुल्क शल्यक्रियासहितको आँखा शिविर सञ्चालन गरेको थियो । eujyalopost.com

प्रकाशित मिति : ३० फाल्गुन २०८०, बुधबार ०१:११

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१

बढ्यो पेट्रोल, डिजेल र मट्टीतेलको मूल्य

सरकारले पेट्रोल, डिजेल र मट्टीतेलको भाउ बढाएको छ। नेपाल आयल