रेडियो काबेली
ताप्लेजुङ । नेकपा (माओवादी केन्द्र) मिक्वाखोला गाउँपालिका कमिटीले पालिकाका १८ सहिद तथा बेपत्ता परिवारलाई सम्मान गरेको छ । सहिद सप्ताहको अवसरमा पालिकाको वडा नं. १ र २ खोक्लिङका ५ सहिद तथा बेपत्ता परिवारलाई शनिबार खोक्लिङमा दोसल्ला,खादा र सम्मान पत्रले सम्मान गरिएको हो । त्यस्तै वडा नं. ३,४ र ५ का १३ सहिद तथा बेपत्ता परिवारलाई आईतबार पालिकाको केन्द्र थलङमा दोसल्ला,खादा र सम्मान पत्रले सम्मान गरिएको हो ।
![](https://i0.wp.com/radiokabeli.com/wp-content/uploads/2024/03/kkkk.jpg?resize=720%2C324&ssl=1)
नेकपा (माओवादी केन्द्र) मिक्वाखोला गाउँपालिका अध्यक्ष डण्डु लामाले सहिद तथा बेपत्ताको बलिदान र अतुलनीय योगदानले नै वर्तमान युगको परिर्वतन सम्भव भएकोले उनीहरुको कदर गर्दै सम्मान गरिएको बताए । फाल्गुन १४ गते देखी २१ गतेलाई नेकपा माओवादी केन्द्रले हरेक वर्ष सहिद सप्ताहको रुपमा मनाउने गर्दछ ।
![](https://i0.wp.com/radiokabeli.com/wp-content/uploads/2024/03/l.jpg?resize=720%2C333&ssl=1)
प्रतिक्रिया