पाथिभरामा केबलकार निर्माण प्रति सिरीजङघा गाउँपालिकाको ध्यानाकर्षण



साहारा लङ्वा लिम्बू

ताप्लेजुङ । पाथिभरा (मुक्कुमलुङ) क्षेत्रमा केबलकार निर्माण गरिने कार्य प्रारम्भ भएको प्रति सिरीजङघा गाउँपालिकाले ध्यानाकर्षण गराएको छ । पाथिभरा क्षेत्र सिरीजङघा गाउँपालिकाको समेत भौगोलिक क्षेत्र पर्ने भएको भन्दै गाउँपालिका सँग आधिकारिक रुपमा संस्थागत समन्वय एवम् सहकार्य नगरी केबलकार निर्माणको कार्य अघि बढाएको भन्दै ध्यानाकर्षण गराएको हो । 

गाउँपालिकाले एक विज्ञप्ति जारी गर्दै परियोजनाको विस्तृत परियोजना प्रस्ताव (डि.पी.आर.) को आधिकारिक सार्वजनीकिकरण नगरी, भौतिक पूर्वाधारको मापदण्ड छलफल नगरी, ऐतिहासिक क्षेत्रको मौलिकता र दिगो विकासलाई ध्यान नदिई उक्त क्षेत्रमा केबलकार निर्माण प्रकृया अघि बढेको र विभिन्न निकायलाई हस्ताक्षर संकलन गर्ने कार्य भइरहेको सुचना प्राप्त भएकोले यस प्रति गम्भिर ध्यानाकर्षण भएको जनाएको छ । 

पाथिभरा क्षेत्रमा गरिने विकास निर्माण कार्य एवम् मौलिक बचाउने कार्यहरूमा गाउँपालिकासँग छलफल तथा वार्ताको माध्यमबाट निर्णय गरी आवश्यक प्रकृया अगाडि बढाउन अनुरोध गरिएको पनि विज्ञप्तिमा उल्लेख गरिएको छ । साथै गाउँपालिकाले उक्त शर्तहरुमा गम्भिर छलफल एवम् समन्वय नगरी गरिने निर्माण कार्यबाट हुने क्षति र समस्याको जिम्मेवार निर्माण कम्पनी तथा सरोकारवालाहरू स्वयं हुने चेतावनी समेत दिएको छ ।  

प्रकाशित मिति : २ फाल्गुन २०८०, बुधबार  ३ : १६ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको