ताप्लेजुङ । पाँचथर याङ्वरक गाउँपालिका वडा नं २ थर्पु घर भई हाल ताप्लेजुङको सिरिजङ्गा गाउँपालिका वडा नं २ आम्बेगुदिन निवासी ३३ बर्षिया हरि खड्का मृत अवस्थामा फेला परेका छन् । बुधवारबाट हराइरहेका खड्का स्थानीय महभीरबाट करिव ५ सय मिटर तल निबुखोला नजिक मृत अवस्थामा फेला परेका हुन् ।
ससुराली घर बस्दै आएका उनी बुधवार मध्यान्तरतिर सिनाम मावली घर जान्छु भनी हिँडेको तर फर्कि नआएपछि उनको खोजतलास सुरु भएको जिल्ला प्रहरी कार्यालय ताप्लेजुङका प्रवक्ता तथा सूचना अधिकारी प्रहरी निरीक्षक कलमकुमार लुङ्गेलीले बताउनुभयो ।
बिहीबार बिहान स्थानीयले निबुखोला छेउमा एक मृत शरीर देखेर प्रहरीलाई खबर गरेका थिए । घटनाको अनुसन्धान भइरहेको प्रहरीले जनाएको छ ।
प्रतिक्रिया