मुकुम्लुङ संरक्षणका लागि ताप्लेजुङको फुङलिङमा जनप्रदर्शन, केबलकार बन्न नदिने अडान



साहारा लङ्वा लिम्बू

ताप्लेजुङ । पाथिभरा (मुक्कुम्लुङ) संरक्षणका लागि ताप्लेजुङको फुङलिङमा जनप्रदर्शन भएको छ । आज विभिन्न संघ संस्थाहरूको आयोजनामा शान्तिपूर्ण विरोध जन प्रदर्शन भएको हो । 

मुक्कुमलुङ फासिङ तान्सेप चुम्भो सहित मुक्कुमलुङ संघर्ष समिति, केबलकार खारेजी संघर्ष समिति, किराँत याक्थुङ चुम्लुङ, प्रदेश नं. १ पुनःनामाङ्कन संयुक्त संघर्ष समिति, किराँत धर्म तथा साहित्य उत्थान संघ, पहिचानका लागि युवा समितिको आयोजनामा शान्तिपूर्ण विरोध जन प्रदर्शन भएको केबलकार निर्माण खारेजी संघर्ष समितिका संयोजक खगेन्द्र फेम्बूले जानकारी दिनु भएको छ । 

आज साढे १२ बजेदेखि तमोर अस्पतालबाट सुरु भएको विरोध ¥याली विरेन्द्र चोकदेखि टुक्रे पुगी पुन फर्की तोक्मे डाँडा हुँदै फुङ्लिङ नगरपालिका पुगी फेरी तोक्मे डाँडा आई कोणसभामा परिणत भएको थियो । ‘मुक्कुमलुङ आन्दोलन जारी छ, मुक्कुमलुङ हाम्रो चोत्लुङ हो, मुन्धुमीस्थलको माथि–माथि केबलकार कुदाउन पाइदैन, राष्ट्रिय फूल लालीगुराँस काट्न पाइदैन, प्रकृति पूजकहरु एक होऔं’ जस्ता नारा सहित जनप्रर्दशन भएको हो ।

नगरपालिका पुगेका प्रदर्शनकारीले नगर प्रमुख विरुद्ध नारावाजी समेत लगाएका थिए । उक्त विरोध प्रदर्शनमा पहिचान पक्षधरका नेताहरूको उपस्थिति रहेको थियो । कोण सभालाई सम्बोधन गर्दै किराँत याक्थुङ चुम्लुङका केन्द्रीय अध्यक्ष प्रेम येक्तेनले मुक्कुमलुङलाई व्यापारिक केन्द्र बनाउन नहुने बताउनुभयो । यस्तै केबलकार निर्माण खारेजी संघर्ष समितिका संयोजक खगेन्द्र फेम्बूले कुनै पनि हालतमा केबलकार निर्माण गर्न नदिने धारणा राख्नु भएको थियो ।

यता पाथीभरा (मुक्कुमलुङ) दर्शन केबलकार प्रालिका अध्यक्ष चन्द्र ढकालले भने पुष ६ गते भएको जिल्ला समन्वय समितिको भवनको सर्वपक्षीय छलफलमा यदी सहज वातावरण भए काम सुरु गरेको १३ महिनाभित्रमा केबलकार निर्माण सम्पन्न गर्ने बताउँनु भएको थियो । 

प्रकाशित मिति : १५ माघ २०८०, सोमबार  २ : १२ बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई