पाँचौ मिस्टर कोशी शारीरिक सुगठन प्रतियोगिता हुने



धरान । आगामी चैत २३ र २४ गते धरानमा चौथो मिस्टर कोशी खुल्ला शारीरिक सुगठन प्रतियोगिता आयोजना हुने भएको छ । “स्वस्थ्य जीवन, सुन्दर भविष्य हरेक युवाको सपना, नियमित व्यायाम, स्वच्छ समाज, एलाईनेट जिमको चाहाना” भन्ने नाराको साथ बुधबार आयोजक एलाइनेट जिमले धरान १८ बुद्ध चोकस्थित एमसि क्याफेमा पत्रकार सम्मेलन गर्दै प्रतियोगिता आयोजना गर्ने जानकारी दिएको हो ।

प्रतियोगितामा कोशी प्रदेशका विभिन्न जिल्लाहरुबाट खेलाडीहरु सहभागी हुने आयोजक संस्थाका अध्यक्ष बिक्रम लिम्बुले जानकारी दिनुभयोे । पहिलो दिन चैत्र २३ गते प्रतियोगिताको प्रि–जजिङ्ग राउण्ड हुने र प्रि–जजिङ्ग मार्फत प्रत्येक तौल समूहबाट ६ जना खेलाडी फाइनल राउण्डको लागि छनौट हुने अध्यक्ष लिम्बुले जानकारी दिनुभयो ।

चैत २४ गते फाइनल राउण्डमा एक तौल समुहबाट ६ जना गरि कुल ३० जना खेलाडी भिड्ने उहाँले बताउनुभयो । फाईनल प्रतियोगितामा प्रत्येक वजन समूहको खेलाडीहरुलाई प्रतिस्पर्धा गराई प्रथम, दोस्रो, तेस्रो, चौंथो, पाँचौं र छैँटौं सम्म छनौट गरिने अध्यक्ष लिम्बुले जानकारी दिनुभयो ।

प्रतियोगिताको विजेताले नगद एक लाख १० हजार पाउनेछन् भने दोस्रोले नगद ५० हजार, तेस्रोले ४० हजार, चौथोले ३० हजार, पाचौले २० हजार र ईन्डिीभिज्युल विजेताहरुलाई जनही नगद ५ हजार, ट्रफि, मेडल र प्रमाणपत्र दिइने आयोजकले जनाएको छ ।

प्रतियोगितामा ५५ केजी, ६० केजी, ६५ केजी, ७० केजी, ७५ केजी र ८० केजी तौल समूहबाट खेलाडीहरु सहभागी हुनेछन । पाँचौ मिस्टर कोशी एलाइनेट जिमको २१ औं प्रस्तुती भएको अध्यक्ष लिम्बुले बताउनुभयोे । प्रतियोगिता धरान १३ स्थित अमर सेवा भवनमा हुने आयोजकले जनाएको छ । गोरखापत्र

प्रकाशित मिति : ११ माघ २०८०, बिहिबार  ८ : ०९ बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले