पाथीभरा याङ्वरक गाउँपालिकाद्धारा वडावडामा घुम्ती शिविर सञ्चालन



ताप्लेजुङ। ताप्लेजुङको पाथीभरा याङ्वरक गाउँपालिकाले प्रत्येक वडामा घुम्ती शिविर सञ्चालन गरी स्थानीयलाई सेवा प्रवाह गरेको छ । गाउँपालिकाले वडा–वडामा पुगेर एकीकृत घुम्ती शिविर सञ्चालन गरी स्थानीय सेवाग्राहीलाई सेवा प्रवाह गरेको हो ।

प्रशासकीय केन्द्र रहेको बाहेकका वडाहरुमा एकीकृत घुम्ती शिविर सञ्चालन गरी सेवा प्रवाह गरिएको गाउँपालिकाले जनाएको छ । गाउँपालिकाका छ वटा वडामध्ये प्रशासकीय केन्द्र रहेको वडा २ थेचम्बु बाहेकमा एकीकृत घुम्ती शिविर सञ्चालन गरी स्थानीयलाई सेवा प्रवाह गरिएको छ । घुम्ती शिविरमार्फत् ज्येष्ठ नागरिकलाई न्यानो कपडा वितरण, स्वास्थ्य परीक्षण, सामाजिक सुरक्षा भत्ता वितरण, योजना सम्झौता जस्ता सेवा प्रवाह गरिएको गाउँपालिकाले जनाएको छ ।

गाउँपालिकाका प्रमुख प्रशासकीय अधिकृत अभिषेक घिमिरेका अनुसार वडा १ नाङ्खोल्याङ र वडा ३ तिरिङ्गे, वडा ४ डुम्रिसे, वडा ५, चाक्सिबोटे र वडा ६ थुम्बेदिनमा शिविर सञ्चालन गरिएको छ । वडा–वडामा सञ्चालित शिविरमार्फत ६१३ जना लाभग्राहीलाई सामाजिक सुरक्षा भत्ता वितरण र ३१३ जना ज्येष्ठ नागरिकको स्वास्थ्य परीक्षण गरिएको उनले जानकारी दिए ।

त्यस्तै, शिविरमा १२३ जना ज्येष्ठ नागरिकलाई सम्मान गरिएको छ । सात जनालाई अपाङ्गता परिचयपत्र वितरण, नौ वटा योजनाको सम्झौता र एक व्यवसाय दर्तासम्बन्धी सेवा प्रवाह गरिएको गाउँपालिकाले जनाएको छ । पालिकावासी नागरिकलाई स्थानीय सरकारको अनुभूति दिलाउने गरी घरदैलोमै पुगेर सेवा प्रवाह गरिएको गाउँपालिका अध्यक्ष केशरकुमार सुब्बाले बताए।

प्रकाशित मिति : २ माघ २०८०, मंगलवार ११:२४

ताप्लेजुङमा चार पार्टी कार्यालय तोडफोड हुँदा ८३ लाख ७९ हजार बढीको क्षति

ताप्लेजुङ, भदौ ३१ गते । जेनजी आन्दोलनको समयमा ताप्लेजुङका विभिन्न

पेट्रोलियम पदार्थको भाउ यथावत

ताप्लेजुङ, भदौ ३१ । नेपाल आयल निगमले पेट्रोलियम पदार्थको भाउ

खनाल, घिसिङ र अर्याल मन्त्री बन्दै

ताप्लेजुङ, भदौ ३० गते । प्रधानमन्त्री सुशीला कार्की नेतृत्वको सरकारमा

फुङ्लिङ नगरपालिकाद्वारा जेनजी आन्दोलनका नाममा गरिएको लुटपाटको सामान फिर्ता गर्न माग

सौगात विष्ट ताप्लेजुङ, भदौ २९ गते । ताप्लेजुङको फुङ्लिङ नगरपालिकाले

पर्यटकको रोजाइमा तिम्बुङ पोखरी

ताप्लेजुङ, भदौ २९ गते । ताप्लेजुङको तिम्बुङ पोखरी पर्यटकको रोजाइ