राष्ट्रिय भूकम्प सुरक्षा दिवसमा ताप्लेजुङमा चेतनामूलक अभ्यास शिक्षण सम्पन्न



रेडियो काबेली

ताप्लेजुङ । २६ औं राष्ट्रिय भूकम्प सुरक्षा दिवस ताप्लेजुङमा पनि मनाईएको छ । मंगलबार ¥याली सहित जिल्ला बिपद् व्यवस्थापन समिति ताप्लेजुङले नेपाली सेनाको भीमकाली गुल्मको प्रांगणमा चेतनामूलक अभ्यास शिक्षण गरेर दिवस मनाईएको हो ।
अभ्यास शिक्षणका क्रममा भीमकाली गुल्मका बिपद् उद्धारका लागि तालिम प्राप्त टोलीले भूकम्प पछि अपनाउनुपर्ने रणनीति,उद्धार,उपचार तथा राहत व्यवस्थापन सहितको अभियन सहितको अभ्यास शिक्षण गरेको थियो ।


सशस्त्र प्रहरी वल नं १ गुल्म हेडक्वाटर कञ्चनजंघाको टोलीले बिपद्का कारण घाइते अवस्थाका मानिसहरुको मानवीय शक्तिद्धारा गरिने उद्धारका बारेमा अभिनयात्मक तवरले जानकारी गराएको थियो ।

यसअघि जिल्ला बिपद् व्यवस्थापन समितिसंग रहेका भूकम्पको समयमा प्रयोग गर्न सकिने उद्धारका सामाग्री बारे सरोकारवालालाई जानकारी गराईएको थियो । जिल्ला प्रहरी कार्यालयले समुदाय–प्रहरी साझेदारी कार्यक्रम अन्र्तगत चेतनामूलक सूचना प्रयोग गरेको थियो ।


राहत तथा उद्धारका लागि सक्रिय सामाजिक संस्था नेपाल रेडक्रस सोसाईटीको टोलीले प्राथमिक उपचार र राहत तथा उद्धारको प्रकृयाको जिम्मेवारी आफुहरुले कसरी लिदैं आएको छ भन्ने बारेमा जानकारी गराएको थियो । त्यसअघि भूकम्प सुरक्षासंग सम्वन्धित जनचेतनामूलक प्लेकार्ड सहित फुङलिङ नगर परिक्रमा गरिएको थियो ।


कार्यक्रममा बोल्दै जिल्ला बिपद् व्यवस्थापन समितिका अध्यक्ष एवम् प्रमुख जिल्ला अधिकारी हीरादेवी पौडेलले भूकम्प सुरक्षाका बारेमा अपनाउनुपर्ने रणनीति एवम् भूकम्प पूर्व तयारी र प्रतिकार्यका बारेमा जानकारी गराउन यस्तो अभ्यास शिक्षण सहितको कार्यक्रम आयोजना गरेको बताईन् ।

त्यस्तै जिल्ला समन्वय समितिका प्रमुख छिरिङ लामाले नमूना अभ्यास सहितको शिक्षण सिकाईले सरोकारवाला समेतलाई बिपद् पूर्व तयारी र प्रतिकार्यका बारेमा सुक्ष्म ढंगले जानकारी प्रेषण हुन सहज हुने बताए ।


विसं १९९० माघ २ गते नेपालमा आएको महाभूकम्पको सम्झनामा विक्रम् सम्वत् २०५५ सालदेखि भूकम्प सुरक्षा दिवस मनाउन थालिएको हो । राष्ट्रिय भूकम्प सुरक्षा दिवस नेपालमा प्रत्येक वर्ष माघ महिनाको २ गते मनाइन्छ ।

प्रकाशित मिति : २ माघ २०८०, मंगलबार  १० : ४५ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको