कञ्चजङ्घा सामुदायिक बहुमुखी सहकारी संस्थाको २०औँ वार्षिक साधारण सभा सम्पन्न

ताप्लेजुङ । कञ्चजङ्घा सामुदायिक बहुमुखी सहकारी संस्था लिमिटेड ताप्लेजुङले आज २०औँ वार्षिक साधारण सभा सम्पन्न गरेको छ । साधारण सभा आज प्रदेश सभा सदस्य एवम् पूर्व मन्त्री तिल कुमार मेन्याङ्बोको प्रमुख आतिथ्यतामा होटल पाथिभराको सभाहलमा सम्पन्न भएको हो । 

 उक्त सहकारी संस्था फुङलिङ नगरपालिका ४ ताप्लेजुङमा वि.सं. २०५८ सालमा स्थापना भएको हो । थोरै बचत, धेरै मदत भन्ने भनाइलाई आत्मसाथ गदै सहकारीले काम गर्दै आइरहेको छ । सहकारीको वार्षिक प्रतिवेदन सहकारी सञ्चालक समितिका अध्यक्ष चन्द्र यवागुले प्रस्तुत गर्नू भएको छ । 

ताप्लेजुङका ४ स्थानीय तहमा १९ वटा सहकारी संस्था सञ्चालनमा रहेका छन् । सहकारीलाई समाज परवर्तनको तीन खम्बे आर्थिक आधारमा एक खम्बा मानिएको समेत संस्थाका अध्यक्षले बताउनु भयो । 

उक्त संस्थाले ६ जनालाई सम्मान तथा पुरस्कार वितरण समेत गरेको छ । संस्थाले उत्कृष्ट कृषक, बचत कर्ता, साना व्यवसायी, समूह, बाल बचतकर्ता, जेष्ठनागरिक, ऋणी र स्थाई कर्मचारीलाई सम्मान गर्ने कार्यक्रम पनि गर्दै आएको छ ।

नेपालमा वि.सं. २०१३ साल चैत्र २० गते बी. डि. पि. हरुको सहयोगार्थ स्थापना भएको बखान बचत तथा ऋण सहकारी संस्था नै पहिलो सहकारी संस्थाको रुपमा मानिएको छ । सहकारीमा आवद्ध सदस्यहरू साझा उद्देश्यका साथ सामाजिक, आर्थिक र सांस्कृतिक विकास गर्ने साथै आफ्ना समस्याहरूको समाधान गर्न सहकार्य गर्ने अध्यक्ष यवागुले बताउनु भयो ।